សីតុណ្ហភាពនៅប្រទេសថៃអាចចុះត្រជាក់ខ្លាំងបំផុតពីថ្ងៃទី៨ ដល់ថ្ងៃទី១៣ ខែវិច្ឆិកា
សារព័ត៌មាន Cambodia News /
បាងកក ៖ យោងតាមសារព័ត៌មាន Bangkok Post បានឲ្យដឹងថា ប្រទេសថៃបានចេញសេចក្តីជូនដំណឹងមួយ ចំពោះបញ្ហាអាកាសធាតុនៅតាមតំបន់មួយចំនួន នៃប្រទេសថៃអាចនឹងចុះត្រជាក់ខ្លាំងបំផុត ចាប់ពីថ្ងៃទី ៨ ដល់ថ្ងៃទី ១៣ ខែវិច្ឆិកា ពោលគឺសីតុណ្ហភាពនឹងធ្លាក់ចុះដល់៣ ទៅ៧ អង្សាសេ។
ក្រសួងធនធានទឹក និងឧតុនិយមថៃ បានបញ្ជាក់ថា នៅតំបន់ភាគខាងជើង ភាគកណ្តាល ភាគខាងកើត រួមទាំងទីក្រុងបាងកក និងតំបន់នៅជុំវិញនោះ សីតុណ្ហភាពអាចនឹងធ្លាក់ចុះដល់៣ ទៅ៥ អង្សាសេផងដែរ។
ទន្ទឹមនោះ រលកខ្យល់នៅឈូងសមុទ្រថៃ និងសមុទ្រ Andaman នឹងមានកម្លាំងខ្យល់បក់ខ្លាំង រីឯឈូងសមុទ្រថៃរលកទឹកសមុទ្រនឹងមានកម្ពស់ពី ២ ទៅ ៣ ម៉ែត្រ ខណៈដែលរលកនៅសមុទ្រ Andaman នឹងមានកម្ពស់ពី ១ ទៅ ២ ម៉ែត្រ។
សម្រាប់ទីក្រុងបាងកក និងតំបន់នៅជុំវិញនោះ គឺសីតុណ្ហភាពក្នុងអំឡុងថ្ងៃទី៩ ដល់ថ្ងៃទី១១ ខែវិច្ឆិកា នឹងធ្លាក់ចុះដល់១ ទៅ៣អង្សាសេ ជាមួយខ្យល់បក់ខ្លាំង ខណៈសីតុណ្ហភាពជាអប្បបរមាទូទៅមានពី ២១ទៅ២៣ អង្សាសេ និងអតិបរមាមានពី២៩ ទៅ៣១អង្សាសេ៕
