អាមេរិក៖ ចិន និងឥណ្ឌា នៅតែទិញប្រេងពីអ៊ីរ៉ង់ដែលផ្គើនទណ្ឌកម្មរបស់សហគមន៍អន្តរជាតិ
អាមេរិកបញ្ជាក់សាជាថ្មីថា ក្រុងប៉េកាំង និង ញូដែលី នៅតែទទួលទិញប្រេងពីប្រទេសអ៊ីរ៉ង់ដដែល បើទោះបីជាសហគមន៍អន្តរជាតិកំពុងដាក់គំនាបដល់រដ្ឋាភិបាលអ៊ីស្លាមនេះ ក្នុងលក្ខខណ្ឌបញ្ឈប់ផលិតកម្មវិធីអាវុធនុយក្លេអ៊ែរក៏ដោយ។
ចិននិងឥណ្ឌា កាលពីថ្ងៃពុធបានប្រឆាំងនឹងទណ្ឌកម្មរបស់សហរដ្ឋអាមេរិកដែលរារាំងការនាំប្រេង ចេញរបស់ប្រទេសអ៊ីរ៉ង់ទៅកាន់ប្រទេសខ្លួន បន្ទាប់ពីប្រទេសទាំងនេះ បានកាត់បន្ថយការបញ្ជាទិញប្រេងឆៅពីរដ្ឋាភិបាលអ៊ីស្លាមមួយនេះ។ នេះបើតាមប្រសាសន៍របស់លោក ចន ឃែរី កាលពីម្សិលមិញ។
លោក ចន ឃែរី រដ្ឋមន្ត្រីក្រសួងការបរទេសអាមេរិក បានបញ្ជាក់ថា សហរដ្ឋអាមេរិក និងសហគមន៍អន្តរជាតិ បានគៀកស្មាគ្នា ដាក់សម្ពាធដល់របបក្រុងតេអេរ៉ង់ រហូតដល់ប្រទេសនេះ បានបង្ហាញឱ្យពិភពលោក ដឹងកម្មវិធីនុយក្លេអ៊ែររបស់ខ្លួន។ លោកបន្តថា ក្រុងប៉េកាំង និងញូវដឺលី គឺស្ថិតនៅក្នុងចំណោមប្រទេសទាំង២០ ដែលមិនទទួលយកទណ្ឌកម្មដែលសហគមន៍អន្តរជាតិដាក់លើប្រទេសអ៊ីរ៉ង់។ គួរបញ្ជាក់ថា ក្រៅពីប្រទេសទាំងខាងលើ ដែលមិនទទួលស្គាល់ទណ្ឌកម្ម បញ្ឈប់ការទិញប្រេងពីអ៊ីរ៉ង់ មានប្រទេសមួយចំនួនដូចជា ម៉ាឡេស៊ី កូរ៉េខាងត្បូង សិង្ហបូរី អាមេរិកខាងត្បូង ស្រីលង្កា តួកគី និងកោះតៃវ៉ាន់ និងប្រទេសមួយចំនួនមកពីអឺរ៉ុបផងដែរ។
រដ្ឋាភិបាលអាមេរិក បានដាក់កំហិតទណ្ឌកម្មយ៉ាងដូច្នេះ គឺដើម្បីឱ្យក្រុងតេអេរ៉ង បញ្ចប់កម្មវិធីផលិតអាវុធនុយក្លេអ៊ែររបស់ខ្លួន។ ហើយអាមេរិកបានបញ្ជាក់ថា ប្រសិនបើរឹងទទឹងទៀត ក្រុងតេអេរ៉ង់ អាចនឹងប្រឈមភាពឯកោ និង សម្ពាធកាន់តែខ្លាំង។ តែទោះជាយ៉ាងណា ទណ្ឌ កម្មរបស់សហរដ្ឋអាមេរិកនិងពិនិត្យឡើងវិញក្នុងរយៈពេល៦ខែម្តងចំពោះក្រុងតេអេរ៉ង់។ទាក់ទិន បញ្ហានៃទណ្ឌកម្មរបស់អាមេរិកនេះដែរ កាលពីឆ្នាំមុន អាមេរិកបានប្រាប់វិទ្យាស្ថានហិរញ្ញ វត្ថុអន្តរជាតិ មិនឱ្យធ្វើការទាក់ទងជាមួយក្រុងតេអេរ៉ង់ទៀតផង។
បើទោះបីជាអាមេរិក ហាមមិនឱ្យប្រទេសមួយចំនួនបញ្ឈប់ការទិញប្រេងពីរដ្ឋាភិបាលក្រុង តេហេរ៉ង់យ៉ាងណាក៏ដោយ ក៏ប្រទេសទាំងនោះនៅតែជំនះចំពោះទណ្ឌកម្មនេះ ដោយសារហេតុផលសេដ្ឋកិច្ចរបស់ប្រទេសដែលចាំបាច់ត្រូវការប្រេងរបស់ អ៊ីរ៉ង់ ដើម្បីផ្តល់សន្ទុះដល់សេដ្ឋកិច្ចរបស់ខ្លួន៕(RFI)