បុគ្គលិកអង្គការសហប្រជាជាតិ៣នាក់នៅភូមាជាប់ពន្ធនាគារ
បុគ្គលិកអង្គការសហប្រជាជាតិដែលជាពលរដ្ឋ ភូមា ៣នាក់ បានជាប់ពន្ធនាគារបន្ទាប់ពី រងការចោទប្រកាន់ពីបទញុះញង់ឲ្យមាន អំពើហិង្សានៅភាគខាងលិចភូមា។
អង្គការសហប្រជាជាតិ បានបញ្ជាក់ថា បុគ្គលិក ៣នាក់របស់ខ្លួន រងការដាក់ទោសឲ្យជាប់ ពន្ធនាគារ ដោយបានធ្វើនូវអ្វីដែលអាជ្ញាធរអះអាងថា បានចូលរួមក្នុងអំពើហិង្សាក្នុងតំបន់ នោះ កាលពីខែមិថុនា។
បុគ្គលិក ២នាក់ដែលជាបុគ្គលិកមកពីភ្នាក់ងារជនភៀសខ្លួនអង្គការសហប្រជាជាតិរងការ ជាប់ពន្ធនាគារក្នុងម្នាក់៣ឆ្នាំហើយបុគ្គលិកកម្មវិធីស្បៀងអាហារពិភពលោកម្នាក់ផ្សេងទៀត នឹងជាប់ពន្ធនាគាររយៈពេល ២ឆ្នាំ។
អាជ្ញាធរបានអះអាងថា បុគ្គលិកទាំងនេះ បានជម្រុញឲ្យមានការស្អប់គ្នារវាងពុទ្ធសាស និក Rakhine និងសាសនិកឥស្លាម Rohingya នៅរដ្ឋ Rakhine ដែលកើតមានអំពើហិង្សា បណ្តាលឲ្យមនុស្សជាង ៨០នាក់ស្លាប់ និងរាប់ពាន់នាក់បាត់បង់ផ្ទះសម្បែង។ តែទោះបីជា យ៉ាងណាក៏ដោយ អ្នកនាំពាក្យអង្គការសហប្រជាជាតិ ឲ្យដឹងថា ខ្លួននៅមិនទាន់ដឹងច្បាស់ នៅឡើយពីបទចោទប្រកាន់ពិតប្រាកដ៕(Radio Australia)