អភិបាលស្រុកល្វាឯម អញ្ជេីញជាអធិបតីភាពក្នុងកិច្ចប្រជុំផ្សព្វផ្សាយច្បាប់ និងពង្រឹងការគ្រប់គ្រងអាជីវកម្មឡានដឹកដី
សារព័ត៌មាន Cambodia News/
ខេត្តកណ្តាល (៩ មិថុនា ២០២១) ៖ កាលពីព្រឹកថ្ងៃទី០៨ ខែមិថុនា ឆ្នាំ២០២១ លោក កន សុខកាយ អភិបាល នៃគណៈអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកល្វាឯម បានអញ្ជេីញជាអធិបតីភាពក្នុងកិច្ចប្រជុំផ្សព្វផ្សាយច្បាប់ និងពង្រឹងការគ្រប់គ្រងអាជីវកម្មឡានដឹកដីនៅក្នុងស្រុកល្វាឯម ខេត្តកណ្តាល។
ក្នុងកិច្ចប្រជុំមានសមាសភាពចូលរួម លោក លោកស្រីអភិបាលរងស្រុក, នាយក នាយករងរដ្ឋបាល, មេបញ្ជាការមេបញ្ជាការរងកងកំលាំងទាំង៣ ប្រធានការិយាល័យពាក់ព័ន្ធ លោកមេឃុំ ព្រមទាំងម្ចាស់ដែលប្រកបអាជីវកម្មឡានដឹកដី។
ក្នុងកិច្ចប្រជុំនេះផងដែរ លោកអភិបាលស្រុក បានធ្វេីការណែនាំដល់ម្ចាស់ឡានដឹកដីទាំងអស់ត្រូវធ្វើច្បាប់អាជីវកម្ម ត្រូវអនុវត្តតាមកិច្ចសន្យាដែលបានចែងក្នុងច្បាប់អាជីវកម្ម។
លោកអភិបាលស្រុកបន្តថា ក្នុងករណី ដែលម្ចាស់អាជីវកម្មមិនមិនគោរពអនុវត្តតាមកិច្ចសន្យា អាជ្ញាធរនឹងមានការដាក់ពិន័យ ហើយចំពោះអ្នកបើកបរឡានត្រូវមានប័ណ្ណបើកបរ និងការបើកបរត្រូវមានសុជីវធម៌ចេះអាធ្យាស្រ័យគ្នា ចៀសវាងបង្កគ្រោះថ្នាក់ដល់ប្រជាពលរដ្ឋ៕ ប្រភពពី ៖ ( ផេកហ្វេសប៊ុក រដ្ឋបាលស្រុកល្វាឯម)
