ការឆ្លងកើនឡើងជាបន្តបន្ទាប់ អ្នកជំងឺកូវីដជាង២ពាន់នាក់ទៀត នៅមិនទាន់មានកន្លែងព្យាបាល
សារព័ត៌មាន Cambodia News/
ភ្នំពេញ (២៣ មេសា ២០២១) : យោងតាមសេចក្តីប្រកាសព័ត៌មានរបស់ក្រសួងសុខាភិបាលចេញផ្សាយថ្ងៃទី២៣ ខែមេសានេះបានឲ្យដឹងថា អ្នកជំងឺកូវីដ១៩ចំនួន២១១៦នាក់ទៀត នៅមិនទាន់មានទីកន្លែងព្យាបាលនៅឡើយទេ ។
តាមសេចក្តីប្រកាស ការខ្វះខាតទីកន្លែងសម្រាកព្យាបាលនេះដោយសារ តែរយៈពេលប៉ុន្មានថ្ងៃនេះ មានអ្នកឆ្លងជំងឺកូវីដ១៩ថ្មី មានការកើនឡើងជាបន្តបន្ទាប់។
ជាក់ស្តែងថ្ងៃទី២៣មេសានេះ មានអ្នកឆ្លងថ្មីចំនួនចំនួន៦៥៥នាក់ទៀត ក្នុងនោះករណីឆ្លងសហគមន៍ ៦៥៤ នាក់និងអ្នកដំណើរពីបរទេស ០១ នាក់និងជាសះស្បើយ ២២៤នាក់។
គួរបញ្ជាក់ថា : គិតត្រឹមព្រឹក ថ្ងៃទី២៣ ខែមេសា ឆ្នាំ២០២១នេះ មានអ្នកឆ្លងកូវីដ១៩សរុបចំនួន៨៨៤៨ នាក់អ្នកជាសះស្បើយចំនួន៣១៤៨ នាក់អ្នកកំពុងព្យាបាលចំនួន៥៦៣៣ នាក់និងអ្នកស្លាប់ចំនួន៥៩នាក់៕
