រដ្ឋាភិបាលអំពាវនាវឱ្យម្ចាស់បុរី ខុនដូ បន្ធូរបន្ថយលក្ខខណ្ឌបង់រំលស់ដល់ដំណាច់ឆ្នាំ ២០២២
សារព័ត៌មាន Cambodia News/
ភ្នំពេញ (២៣ មីនា ២០២១) ៖ នៅល្ងាចថ្ងៃទី ២២ ខែមីនា ឆ្នាំ ២០២១ នេះ ក្រសួងសេដ្ឋកិច្ច និង ហិរញ្ញវត្ថុ អំពាវនាវ និង លើកទឹកចិត្តដល់ក្រុមហ៊ុនអភិវឌ្ឍអចលនវត្ថុទាំងអស់ សូម ៖
១. ពិនិត្យពីលទ្ធភាព បន្ធូរបន្ថយលក្ខខណ្ឌ បង់រំលស់ទៅតាមស្ថានភាពជាក់ស្តែង របស់អតិថិជន
២. លើកលែងការផាកពិន័យ ចំពោះអ្នកទិញអចលនវត្ថុ ក្នុងបុរី និង អគារសហកម្មសិទ្ធិនានា ក្នុងករណីដែលអ្នកទិញ យឺតយ៉ាវមិនបានបង់ប្រាក់តាមកាលកំណត់
៣. មិនត្រូវមានបន្ទុកការប្រាក់ ឬ ជាប់ការពិន័យបន្ថែមចំពោះការយឺតយ៉ាវក្នុងការបង់ប្រាក់រំលស់
៤- ដាក់ចេញនូវ គោលនយោបាយគាំពារនានា ដល់អតិថិជនរបស់ខ្លួន លើការបង់រំលស់អចលនវត្ថុ ក្នុងបុរី និង អគារសហកម្មសិទ្ធិនានា
៥. អនុវត្តវិធានការទាំងនេះឲ្យមានប្រសិទ្ធភាព រហូតដល់ដំណាច់ខែមីនា ឆ្នាំ ២០២២ ។
ក្រសួងបានបញ្ជាក់ផងដែរថា ការធ្វើបែបនេះ គឺដើម្បីជួយដោះស្រាយ បញ្ហាសម្ពាធហិរញ្ញវត្ថុ របស់ប្រជាពលរដ្ឋ ជាអ្នកទិញអចលនវត្ថុ នៅតាមបុរី និងអគារសហកម្មសិទ្ធិ នានា ក្នុងស្ថានភាពបច្ចុប្បន្ន នៃការរីករាលដាលនៃជំងឺកូវីដ-១៩ ដែលបានប៉ះពាល់យ៉ាងខ្លាំងដល់ជីវភាព របស់ប្រជាពលរដ្ឋ ៕
សូមអានសេចក្ដីលម្អិតនៅខាងក្រោម ៖
