ខណៈរោងចក្រចិនជាច្រើននៅមីយ៉ាន់ម៉ាត្រូវបានដុតបំផ្លាញក្រុមអ្នកតវ៉ា ៣៩នាក់បានស្លាប់
សារព័ត៌មាន Cambodia News/
យ៉ាងហ្គោន (១៥ មីនា ២០២១) ៖ ក្រុមអ្នកតស៊ូមតិមួយបាននិយាយថា កងកម្លាំងសន្តិសុខបានសម្លាប់ក្រុមអ្នកតវ៉ាប្រឆាំងរដ្ឋប្រហារយ៉ាងតិច ២២នាក់នៅសង្កាត់ហ្លាំងថាយ៉ានៅជាយក្រុងយ៉ាងហ្គោនរបស់មីយ៉ាន់ម៉ាកាលពីថ្ងៃអាទិត្យទី១៤មីនា បន្ទាប់ពីរោងចក្រដែលផ្តល់ហិរញ្ញប្បទានដោយចិនត្រូវបានដុតបំផ្លាញនៅទីនោះ។
សមាគមជំនួយសម្រាប់អ្នកទោសនយោបាយ (AAPP) និយាយថា បាតុករ១៦នាក់បន្ថែមទៀតត្រូវបានសម្លាប់នៅកន្លែងផ្សេងទៀតរួមនឹងប៉ូលិសម្នាក់ផងដែរដោយធ្វើឱ្យថ្ងៃនោះក្លាយជាថ្ងៃដ៏បង្ហូរឈាមបំផុតចាប់តាំងពីរដ្ឋប្រហារថ្ងៃទី ០១ កុម្ភៈប្រឆាំងនឹងមេដឹកនាំជាប់ឆ្នោតលោកស្រី អ៊ុងសាន ស៊ូ ជី។
ទូរទស្សន៍ Myawadday ដែលគ្រប់គ្រងដោយយោធា បាននិយាយថា កងកម្លាំងសន្តិសុខបានធ្វើសកម្មភាព បន្ទាប់ពីរោងចក្រកាត់ដេរចំនួន ៤ និងរោងចក្រផលិតជីរកសិកម្មមួយត្រូវបានដុតឆេះ ហើយមនុស្សប្រហែល ២.០០០ នាក់បានបញ្ឈប់រថយន្តពន្លត់អគ្គិភ័យមិនឱ្យចូលទៅដល់។
AAPP និយាយថា ការស្លាប់ចុងក្រោយបង្អស់នេះនឹងនាំចំនួនអ្នកស្លាប់ពីការតវ៉ាកើនឡើងដល់ ១២៦ នាក់។ AAPP និយាយថា មនុស្សជាង ២.១៥០ នាក់ត្រូវបានឃុំខ្លួនកាលពីថ្ងៃសៅរ៍។ចាប់តាំងពីពេលនោះមកមនុស្សជាង ៣០០ នាក់ត្រូវបានដោះលែង៕
