ក្រុមហ៊ុនផ្ដល់សេវាសន្ដិសុខឯកជនចំនួន៣២ ត្រូវបានក្រសួងមហាផ្ទៃលុបឈ្មោះក្រោយប្រកាសក្ស័យធន
សារព័ត៌មាន Cambodia News/
ភ្នំពេញ (២៩ មករា ២០២១) ៖ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃបាន បានសម្រេចលុបឈ្មោះចេញពីបញ្ជី នៃការអនុញ្ញាតឲ្យក្រុមហ៊ុនផ្ដល់ សេវាសន្ដិសុខឯកជនចំនួន ៣២ក្រុមហ៊ុន ក្រោយពីប្រកាសក្ស័យធន និងពុំមានសកម្មភាព បម្រើសេវាកម្ម។
យោងតាមលិខិតរបស់ក្រសួងមហាផ្ទៃ នៅថ្ងៃទី២៩ ខែមករា ឆ្នាំ២០២០ បានឲ្យដឹងថា «ក្រសួងបានពិនិត្យ និងស្រាវជ្រាវឃើញថា ក្រុមហ៊ុនខាងផ្ដល់សេវាសន្ដិសុខឯកជន ចំនួន៣២ក្រុមហ៊ុន បានបង្កើតភ្នាក់ងារសន្ដិសុខឯកជនធ្វើសេវាកមុ្ម ប៉ុន្ដែត្រូវបានប្រកាសក្ស័យធន និងពុំមានសកម្មភាពបម្រើសេវា ដោយពុំអនុលោមតាមមាត្រា១ នៃអនុក្រឹត្យលេខ ២៨៩ អនក្រ.បក ស្ដីពីការគ្រប់គ្រងសន្ដិសុខឯកជន»៕
