ឯកឧត្តម ខៀវ កាញារីទ្ធ ផ្តល់អំណោយដល់ពលរដ្ឋខ្មែរឥស្លាម៥គ្រួសារ ដែលរងគ្រោះដោយអគ្គិភ័យ
សារព័ត៌មាន Cambodia News/
ភ្នំពេញ (១៦ ធ្នូ ២០២០) នារសៀលថ្ងៃទី១៥ ខែធ្នូឆ្នាំ២០២០ ឯកឧត្តម ស្លេះ ណាស៊ី ទីប្រឹក្សាក្រសួងព័ត៌មានបាននាំយកអំណោយជាគ្រឿងឧបភោគ បរិភោគសម្ភារៈប្រើប្រាស់ និងថវិការបស់ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មានទៅចែកជូនបងប្អូខ្មែរឥស្លាមចំនួន ៥ គ្រួសារ ដែលរងគ្រោះដោយអគ្គីភ័យកាលពីថ្ងៃទី១២ ខេធ្នូឆ្នាំ២០២០កន្លងទៅនេះ។
ក្នុងឱកាសនាំយកអំណោយជូនជនររងគ្រោះនេះ ឯកឧត្តម សេ្លះ ណាស៊ី បានសម្តែងនូវការរំលែកទុក្ខដ៏ក្រៀមក្រម និងបានពាំនាំបណ្តាំសាកសួរសុខទុក្ខក៏ដូចជាសាររំលែកទុក្ខពីសំណាក់ឯកឧត្តម ខៀវ កាញារីទ្ធ ជូនចំពោះបងប្អូនដែលរងគ្រោះទាំងអស់។
ឯកឧត្តម សេ្លះ ណាស៊ី សង្ឃឹមថា អំណោយរបស់ឯឧត្តមរដ្ឋមន្រ្តី នាពេលនេះនឹងចូលរួមរំលែកទុក្ខលំបាកខ្លះរបស់បងប្អូនផងដែរ។ អំណោយដែលចែកជូននាពេលនេះ ក្នុង១គ្រួសារៗទទួលបានអង្ករ៥០គីឡូក្រាម ទឹកស៊ីអ៊ីវ២យួរ ត្រីខ២យួរ កន្សែងពោះគោ២ និងថវិកា៤០០,០០០រៀល ។
គួររំលឹកផងដែរថា កាលពីថ្ងៃទី១២ ខែធ្នូឆ្នាំ២០២០ន ដោយសារបញ្ហាឆ្លងចរន្តអគ្គិសនី បានបង្កជាអគ្គិភ័យឆេះបំផ្លាញផ្ទះចំនួន២ខ្នង និងទ្រព្យសម្បត្តិជាច្រើនដែលមានប្រជាពលរដ្ឋខ្មែរឥស្លាមចំនួន៥គ្រួសាររស់នៅ ស្ថិតក្នុងភូមិ៤ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ៕
