ប្រទេសសឹង្ហបុរី កំពុងវិលមុខជាមួយព័ត៌មានក្លែងក្លាយ
សារព័ត៌មាន Cambodia News/
សឹង្ហបុរី (១ មិថុនា ២០២០) ៖ កាលពីថ្ងៃសៅរ៍ ទី៣០ ខែឧសភា កន្លងទៅនេះ រដ្ឋាភិបាលសឹង្ហបុរី បានបញ្ជាឱ្យក្រុមហ៊ុនហ្វេសប៊ុកបិទកុំឱ្យអ្នកប្រើប្រាស់នៅសឹង្ហបុរី អាចចូលមើលទំព័រហ្វេសប៊ុកសារព័ត៌មាន National Times Singapore (NTS) ដែលបានធ្វើការផ្សព្វផ្សាយព័ត៌មានមិនពិតយ៉ាងហោចណាស់ចំនួនបី នៅលើទំព័រហ្វេសប៊ុករបស់ខ្លួន នេះបើតាមការឱ្យដឹងពី ក្រសួងទំនាក់ទំនង និងព័ត៌មាន របស់ប្រទេសសឹង្ហបុរី។
បើយោងតាមគេហទំព័ររបស់រដ្ឋាភិបាល ផេកនេះបានផ្សព្វផ្សាយព័ត៌មានមិនពិត និងធ្វើឱ្យមានការភាន់ច្រឡំនោះមានខ្លឹមសារដូចជា៖ “ការរិះគន់ទាំងអស់នឹងត្រូវបានហាមឃាត់ដោយរដ្ឋាភិបាលសឹង្ហបុរី តាមរយៈច្បាប់ថ្មី POFMA ដែលមានតែអ្នកនយោបាយកំពុងកាន់អំណាចទើបអាចសម្រេចថាអ្វីជាការពិត”។
នេះជាផេកទី៤ហើយដែលបានបង្កើត និងគ្រប់គ្រងដោយបុគ្គលដែលមានឈ្មោះ Alex Tan ដើម្បីផ្សព្វផ្សាយព័ត៌មានមិនពិត ហើយត្រូវបានរដ្ឋាភិបាលសឹង្ហបុរីបញ្ជាឱ្យក្រុមហ៊ុនហ្វេសប៊ុកបិទទាំងអស់៕
