អ្នកនាំពាក្យក្រសួងសុខាភិបាល ៖ ករណីដែលរកឃើញវិជ្ជមានកូវីដ-១៩ចំនួន២នាក់ថ្មី មិនមែនជារលកទី២ទេ
សារព័ត៌មាន Cambodia News/
ភ្នំពេញ (២៦ ឧសភា ២០២០) ៖ លោកស្រី ឱ វណ្ណឌីន អ្នកនាំពាក្យក្រសួងសុខាភិបាលបានថ្លែងនៅព្រឹកថ្ងៃទី២៦ខែឧសភាឆ្នាំ២០២០នេះថា ករណីដែលរកឃើញវិជ្ជមានកូវីដ-១៩ចំនួន២នាក់ ជាបុរសមកពីប្រទេសហ្វីលីពីន ហើយស្ត្រីមកពីសហរដ្ឋអាមេរិចនេះ គឺមិនមែនជារលកទី២នោះទេ គឺជាករណីនាំចូល។
អ្នកនាំពាក្យក្រសួងសុខាភិបាល លោកស្រី ឱ វណ្ណឌីន បានបញ្ជាក់ទៀតថា រហូតមកដល់ព្រឹកថ្ងៃទី២៦ ខែឧសភា ឆ្នាំ២០២០នេះគឺនៅតែ១២៤ករណីដែលបានរកឃើញវិជ្ជមានកូវីដ-១៩ គឺសរុបទាំងអស់ទូទាំងប្រទេសគឺ១២៤នាក់។
ហើយ២នាក់កំពុងសម្រាកក្នុងមន្ទីរពេទ្យ មិត្តភាពខ្មែរ-សូវៀត ហើយ១២២នាក់យើងបានព្យាបាលជាសះស្បើយ ហើយមិនមានអ្នកស្លាប់បាត់បង់ជីវិតនោះទេ ហើយពីម្សិលមិញនេះយើងក៏មិនមានរកឃើញថា មានករណីវិជ្ជមានកូវីដ-១៩ ថ្មីដែរ៕
