នៅថ្ងៃនេះផ្លូវចុះពីស្ពានមុន្នីវង្សចាស់ បិទ៨ម៉ោងចាប់ពីម៉ោង៦ល្ងាច ដល់ម៉ោង២ទៀបភ្លឺ
សារព័ត៌មាន Cambodia News/
ភ្នំពេញ (១៤ តុលា ២០១៩) ៖ នៅថ្ងៃទី១៤ ខែតុលា ឆ្នាំ២០១៩នេះ ខាងផ្នែកគម្រោងសាងសង់ នៃក្រុមហ៊ុន OCIC នឹងធ្វើការចាក់បេតុងតួស្ពាន (Box Girder) ដំណាក់កាលទី១។
ដូច្នេះផ្នែកគម្រោងស្នើសុំបិទផ្លូវចុះពីស្ពានមុន្នីវង្សចាស់ ឆ្ពោះទៅមហាវិថីព្រះមុន្នីវង្ស រយៈពេល៨ម៉ោងគឺចាប់ពីម៉ោង៦ល្ងាច ដល់ម៉ោង២ទៀបភ្លឺ និងស្នើសុំប៉ូលិសចរាចរណ៍ ដើម្បីជួយសម្រួល និងបញ្ចៀសចរាចរក្នុងអំឡុងពេលចាក់បេតុង ដើម្បីជៀសវាងនៅបញ្ហាកើតឡើងជាយថាហេតុ។ នេះបើតាមការបញ្ជាក់របស់លោក រិទ្ធ រ៉ាវីន តំណាងក្រុមហ៊ុន OCIC ផ្នែកស្ពានអាកាសក្បាលថ្នល់៕
