អង្គភាពកងទ័ពសំខាន់២ត្រូវបានគ្រប់គ្រងដោយស្តេចថៃ
សារព័ត៌មាន Cambodia News/
ថៃ (២ តុលា ២០១៩) ៖ យោងតាមព្រះរាជក្រឹត្យដែលចូលជាធរមានកាលពីថ្ងៃអង្គារថ្ងៃទី១ ខែតុលា បានឲ្យដឹងថា ស្តេចថៃមហា វេចរ៉ាឡុងកន បានបញ្ជាអោយផ្ទេរអង្គភាពចំនួន២មកនៅក្រោមបញ្ជាផ្ទាល់នៃព្រះបរមរាជវាំង ដែលនេះជាចំណាត់ការចុងក្រោយធ្វើឡើងដោយព្រះមហាក្សត្រអាស្រ័យរដ្ឋធម្មនុញ្ញដើម្បីពង្រឹងអំណាចផ្ទាល់ខ្លួន។
បទបញ្ជារបស់ស្តេចអង្គនេះ ដែលត្រូវបានចុះហត្ថលេខាដោយនាយករដ្ឋមន្ត្រី លោក ប្រាយុទ្ធ ចានអូចាដែលយោងលើមាត្រា១៧២នៃរដ្ឋធម្មនុញ្ញ ដែលអនុញ្ញាតឱ្យចេញព្រះរាជក្រឹត្យក្នុងគ្រាអាសន្នដែលមានគំរាមកំហែងដល់សន្តិសុខជាតិនិងរាជានិយម។
ក្រឹត្យនេះផ្ទេរបញ្ជាការដ្ឋាននៃកងទ័ពថ្មើរជើងលេខ១ និង១១ ដែលមានមូលដ្ឋាននៅទីក្រុងបាងកកពីបញ្ជាការដ្ឋានទំនាក់ទំនងយោធាទៅបញ្ជាការដ្ឋានសន្តិសុខដោយរួមទាំងបុគ្គលិកយោធានិងថវិកាប្រតិបត្តិការ។
តាមលក្ខណៈបច្ចេកទេស ស្តេចអង្គនេះ ជាអគ្គមេបញ្ជាការនៃកងទ័ពថៃទាំងអស់ប៉ុន្តែក្រឹត្យថ្មីនេះនៅក្រៅប្រព័ន្ធគ្រប់គ្រងយោធាធម្មតា។
អង្គភាពទ័ពទាំង២នេះ នៅពេលនេះនឹងត្រូវរាយការណ៍ដោយផ្ទាល់ទៅស្តេចអង្គនេះដែលដឹកនាំបញ្ជាការដ្ឋានសន្តិសុខ និងគ្រប់គ្រងលើអនុបញ្ជាការរងនៃអង្គភាពទ័ពនេះ៕
