ឡានដឹកពលករខ្មែរបុកបង្គោលថ្មក្រោមស្ពាននៅថៃ ស្លាប់ ៦នាក់របួស ៤នាក់
សារព័ត៌មាន Cambodia News/
ខេត្តឈុនបុរី(១០ មីនា ២០១៤) ៖ តាមប្រភពព័ត៌មានពីកាសែតថៃបានឲ្យដឹងថា កាលពី វេលាម៉ោង៥ភ្លឺថ្ងៃទី៩ ខែមីនា រថយន្តប្រភេទមួយបាំងកន្លះដឹកពលករចំណាកស្រុកជនជាតិខ្មែរក្នុងទិស ដៅឆ្ពោះទៅក្រុងប៉ាតាយ៉ា បានជួបនឹងគ្រោះថ្នាក់ចរាចរណ៍បុកបង្គោលក្រោមស្ពានភ្នំបៃតង ស្ថិតនៅក្នុងស្រុកស៊ីរាជា ខេត្តឈុនបុរី បណ្តាលឱ្យស្លាប់ និងរងរបួសជាច្រើននាក់ ។
នគរបាលនៅ ស្រុកស៊ីរាជាខេត្តឈុនបុរីបានឲ្យដឹងថា រថយន្តបង្កប្រភេទមួយបាំងកន្លះម៉ាកហ្វ័តរ៉េនចឺ ពណ៌ខ្មៅ ពាក់ស្លាកលេខ បាងកក ៧៣១៧ បានបុកបង្គោលថ្ម នៅខាងក្រោមស្ពាន ភ្នំបៃតង ចន្លោះគីឡូម៉ែត្រលេខ ៨៩-៩០ ក្នុងទិសដៅចូល ទៅកាន់ក្រុងប៉ាតាយ៉ា ស្ថិតក្នុងឃុំបាងប្រា ស្រុកស៊ីរាជា ខេត្តឈុនបុរី បង្កឱ្យមានអ្នកស្លាប់ និងរងរបួស ហើយរថយន្តបង្ក ស្ថិតក្នុងសភាពខូចខាតទាំងស្រុង ។
នៅកន្លែង កើតហេតុមានជនរងគ្រោះដែលស្លាប់៦នាក់និង៤នាក់ផ្សេងទៀតរងរបួស សុទ្ធសឹងជាជនជាតិខ្មែរ ហើយអ្នករងរបួសត្រូវបានបញ្ជូនទៅព្យាបាល នៅឯមន្ទីរពេទ្យលេមឆាម៉ាង ។ សាក្សីបានឱ្យដឹងថា គេឃើញរថយន្តខាងលើ បើកបរក្នុងល្បឿនលឿនសំដៅទៅក្រុងប៉ាតាយ៉ា ស្រាប់តែមានរថយន្ត របស់នគរបាល បើកដេញពីក្រោយ ក៏បុកក្រឡេកទៅបុកបង្គោលថ្មក្រោមស្ពានបន្ត បណ្តាលឥនយមានអ្នកស្លាប់ រដូករណែល៕