បុរសម្នាក់ជួបគ្រោះថ្នាក់ចរាចរណ៍ស្លាប់រថយន្តដឹកសព៣គ្រឿងដណ្តើមគ្នាដឹក
សារព័ត៌មាន Cambodia News/
ភ្នំពេញ (៣ កញ្ញា ២០១៩) ៖ កាលពីវេលាម៉ោង២យប់រំលងអធ្រាត្រឈានចូលថ្ងៃទី៣ខែកញ្ញា នៅផ្លូវជាតិលេខ៥ ចំណុចគីឡូម៉ែត្រលេខ១១ ភូមិស្វាយប៉ាក សង្កាត់ស្វាយប៉ាក ខណ្ឌឫស្សីកែវ មានម៉ូតូ២គ្រឿងបុកពេញទំហឹង បណ្ដាលឲ្យបុរសម្នាក់ស្លាប់យ៉ាងអាសូរ តែអ្វីគួរឲ្យហួសចិត្តនោះមានរថយន្ត៣គ្រឿងមកឈ្លោះគ្នាដណើមដឹកសពទៅវិញ។
សពជនរងគ្រោះមានឈ្មោះ ងិន សារ៉ាវុទ្ធ ភេទប្រុស អាយុ២៨ឆ្នាំ មុខរបរជាងផ្សារដែក ស្នាក់នៅភូមិថ្នល់លិច សង្កាត់ព្រែកព្នៅ ខណ្ឌព្រែកព្នៅ មានស្រុកកំណើត ភូមិធ្កកយុល ឃុំពន្លែ ស្រុកអង្គរបូរី ខេត្តតាកែវ។
ក្រោយកើតហេតុ សមត្ថកិច្ចជំនាញបានធ្វើកាវាស់វែងយកម៉ូតូទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំដោះស្រាយគ្នាតាមផ្លូវច្បាប់។ ដោយឡែកសពជនរងគ្រោះសមត្ថកិច្ចធ្វើកំណត់ហេតុប្រគល់ជូនសាច់ញាតិយកទៅធ្វើបុណ្យនៅស្រុកកំណើតតាមប្រពៃណី៕
