សម្តេចតេជោ ប្រកាសអនុវត្តន៍ គោលនយោបាយគគាំពារសង្គមចំពោះស្ត្រីក្រីក្រមានផ្ទៃពោះ
សារព័ត៌មាន Cambodia News/
ភ្នំពេញ (៣ មិថុនា ២០១៩) ៖ អញ្ជើញមានប្រសាសន៍ក្នុងពិធីចែកសញ្ញាបត្រដល់និស្សិត នៃសាកលវិទ្យាល័យភូមិន្ទភ្នំពេញ ជាង ៣០០០នាក់នៅកោះពេជ្រ នាព្រឹកថ្ងៃទី៣ មិថុនា ជាមួយ នឹងការវាយតម្លៃ ពីវឌ្ឍនភាពនៃវិស័យអប់រំ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមាន ប្រសាសន៍ថា គោលនយោបាយគាំពារសង្គម ចំពោះស្ត្រីក្រីក្រមានផ្ទៃពោះចាប់ផ្តើមអនុវត្តហើយ។
សម្ដេច បានជំរាបទូលប្រគេនព្រះសង្ឃ និងជនរួមជាតិនៅទូទាំងប្រទេសថា អ្វីដែលសម្តេចបានប្រកាសកាលពីយុទ្ធនាការឃោសនាបោះឆ្នោតឆ្នាំ២០១៨ គឺគោល នយោបាយគាំពារសង្គម ដល់ស្ត្រីក្រីក្រមានផ្ទៃពោះ និងឆ្លងទន្លេបានចាប់ផ្តើមអនុវត្តហើយតាំងពីថ្ងៃទី១ មិថុនាមក ដែលក្រសួង សុខាភិបាលជាអ្នកទទួលបន្ទុក ទៅលើបញ្ហានេះ។
សម្តេច បានអំពាវនាវ ដល់ស្ត្រីក្រីក្រមានផ្ទៃពោះដែលមានប័ណ្ណមកពិនិត្យ និងព្យាបាលអោយបានទៀងទាត់ និងសុំឲ្យ ក្រុមគ្រូពេទ្យ ទាំងឡាយ ដែលទទួលធ្វើការងារនេះ ឲ្យបានល្អ និងសង្ឃឹមថា និងគ្មានបញ្ហា ចំពោះការអនុវត្តន៍ នូវគោលនយោបាយគាំពារ សង្គមដល់ស្ត្រីក្រីក្រមានផ្ទៃពោះ និងឆ្លងទន្លេ៕
