ក្រសួងអប់រំ ចេញសេចក្តីណែនាំនៃការប្រឡងជ្រើសរើស សិស្សពូកែសម្រាប់ឆ្នាំសិក្សា ២០១៨-២០១៩
សារព័ត៌មាន Cambodia News/
ភ្នំពេញ (៣ មករា ២០១៩) ៖ ក្រសួងអប់រំ យុវជន និងកីឡា បានចេញសេចក្តីណែនាំ ស្តីពីការរៀបចំ និងការប្រព្រឹត្តទៅ នៃការប្រឡងជ្រើសរើស សិស្សពូកែប្រចាំរាជធានី-ខេត្ត និងទូទាំងប្រទេសសម្រាប់ឆ្នាំសិក្សា ២០១៨-២០១៩ ដើម្បីពង្រឹងគុណភាពអប់រំ និងអភិវឌ្ឍធនធានមនុស្ស ប្រកបដោយសីលធម៌ និងចំណេះដឹងខ្ពស់
លោកបណ្ឌិតសភាចារ្យ ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់ថា «ក្រសួងអប់រំ យុវជន និងកីឡា សង្ឃឹមថា លោកប្រធានមន្ទីរអប់រំ យុវជន និងកីឡារាជធានី ខេត្ត និងផ្សព្វផ្សាយ សេចក្ដីណែនាំនេះ ដល់គ្រឹះស្ថានមធ្យមសិក្សាសាធារណៈ និងឯកជនក្នុងរាជធានីភ្នំពេញ-ខេត្ដ ព្រមទាំងអនុវត្ដសេចក្ដីណែនាំនេះ ប្រកបដោយប្រសិទ្ធភាពខ្ពស់»៕
