ចំនួនអ្នកស្លាប់កើនដល់ ១៥នាក់ និងជាង ២០នាក់កំពុងបាត់ខ្លួន ក្នុងហេតុការណ៍រអិលបាក់ដីនៅឥណ្ឌូនេស៊ី
សារព័ត៌មាន Cambodia News/
ឥណ្ឌូនេស៊ី (៣ មករា ២០១៩) ៖ ក្រុមការងារសង្គ្រោះបានរកឃើញចំនួនអ្នកស្លាប់ក្នុងហេតុការណ៍រអិលបាក់ដី បង្កឡើងដោយសារភ្លៀងធ្លាក់ខ្លាំងនៅខេត្តជ្វាខាងលិច ប្រទេសឥណ្ឌូនេស៊ីបានកើនឡើងដល់ ១៥នាក់ ខណៈដែលពេលដែលពួកគេ ជីកកកាយបំណាក់ដីដែលបានកប់ពន្លិច ដល់ដំបូលផ្ទះប្រជាពលរដ្ឋរាប់សិបខ្នង។
ប្រតិបត្តិការណ៍រុករកនៅក្នុងភូមិស៊ីណារ៉េស្មី ស្ថិតនៅក្នុងស្រុកស៊ូកាប៊ូមីបានចាប់ផ្តើមឡើងវិញ កាលពីថ្ងៃពុធក្រោយផ្អាកកាលពីរយៈពេល ១ថ្ងៃមុនដោយសារតែអាកាសធាតុអាក្រក់។ លោក ស៊ូតូប៉ូ ពូវ៉ូ នូហ្គ្រូហូ អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយឥណ្ឌូនេស៊ី បាននិយាយនៅក្នុងសេចក្ដីថ្លែងការណ៍កាលពីថ្ងៃអង្គារថា ក្រុមជួយសង្គ្រោះកំពុងរុករកអ្នកភូមិ ២០នាក់ ដែលគេជឿថាបានកប់នៅក្រោមបំណាក់ដីស្រុត បានកប់ពន្លិចផ្ទះប្រជាពលរដ្ឋ ៣០ខ្នងកាលពីល្ងាចថ្ងៃចន្ទ៕
