អគ្គីភ័យឆាបឆេះក្លឹបកម្សាន្ត2ND យ៉ាងសន្ធោរសន្ធៅ
សារព័ត៌មាន Cambodia News/
រាជធានីភ្នំពេញ៖ អគ្គីភ័យឆាបឆេះក្លឹបកម្សាន្តមួយកន្លែងយីហោ 2nd យ៉ាងសន្ធោរសន្ធៅបង្កឲ្យមានការភ្ញាក់ផ្អើលដល់ប្រជាពលរដ្ឋ និងមានរថយន្តពន្លត់អគ្គីភ័យជាច្រើនគ្រឿងបានចេញមកអន្តរាគមន៍ កាលពីម៉ោងជា៦ព្រឹក មានទីតាំងនៅ តាមបណ្តាយផ្លូវលេខ៥១កែងផ្លូវលេខ២៥៤ ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ។
បើតាមសេចក្ដីរាយការណ៍ គ្រោះអគ្គីភ័យនេះ បានចាប់ផ្ដើមឆាបឆេះចេញពីខាងក្នុងក្លឹបតែម្ដង ដែលកើតឡើងតាំងពីវេលាម៉ោងប្រមាណ៦៖៣០នាទីព្រឹក ដោយអគ្គិភ័យបង្កជាភ្លើងផ្សែងហុយចេញពីខាងក្នុងក្លឹប ចេញមកខាងក្រៅហោះឡើងលើយ៉ាងខ្មួលខ្មាញ់។
សមត្ថកិច្ចនៅមិនទាន់អាចបញ្ជាក់ពីមូលហេតុគ្រោះអគ្គិភ័យនេះនៅឡើយ ហើយអាជ្ញាធរពាក់ព័ន្ធ ព្រមទាំងកម្លាំងសមត្ថកិច្ចជំនាញ និងរថយន្តពន្លត់អគ្គិភ័យ បានអន្តរាគមន៍បាញ់ពន្លត់ និងទប់ស្កាត់មិនឲ្យឆេះរាលដាលទៅអគារនៅជុំវិញក្លឹបនេះផងដែរ ។ គ្រោះអគ្គិភ័យមិនបណ្តាលឱ្យនរណាម្នាក់រងគ្រោះថ្នាក់ដល់អាយុជីវិតឡើយ៕ ដោយ ៖ សហការី
