លោក ហ៊ុន ម៉ានី ត្រូវបានជ្រើសតាំងជាប្រធានគណៈកម្មការទី៧នៃរដ្ឋសភា
សារព័ត៌មាន Cambodia News/
រាជធានីភ្នំពេញ (៦ កញ្ញា ២០១៨) ៖ នៅពេលដែលរដ្ឋសភាត្រូវបង្ហាញរចនាសម័្ពន្ធថ្នាក់ដឹកនាំរដ្ឋសភា នាព្រឹកថ្ងៃទី៦ខែកញ្ញានេះ លោក ហ៊ុន ម៉ានី ដែលជាសមាជិករដ្ឋសភាវ័យក្មេងជាងគេកាលពីដើមនីតិកាលទី៥ នៅពេលនេះត្រូវបានជ្រើសតាំងជាប្រធានគណៈកម្មការទី៧នៃរដ្ឋសភាដែលទទួលបន្ទុក អប់រំ យុវជន កីឡា ទេសចរណ៍ ធម្មការ កិច្ចការសាសនា និង វប្បធម៌។
លោក ហ៊ុន ម៉ានី ជាតំណាងរាស្ត្រជាប់ឆ្នោតជាតំណាងរាស្ត្រនៅមណ្ឌលខេត្តកំពង់ស្ពឺ និងជាប្រធានចលនាយុវជនដ៏ធំមួយឈ្មោះសហភាពសហព័ន្ធយុវជនកម្ពុជា លោក ហ៊ុន ម៉ានី បានដឹកនាំសកម្មភាពសង្គម វប្បធម៌ និងទេសចរណ៍ជាច្រើនដោយជោគជ័យ ដោយមានការចូលរួមពីកម្លាំងយុវជនយ៉ាងច្រើនផងដែរ៕
