លទ្ធផលផ្លូវការ: គណបក្សប្រជាជនកម្ពុជាទទួលបានអាសនៈទាំង១២៥
សារព័ត៌មាន Cambodia News/
រាជធានីភ្នំពេញ (១៦ សីហា ២០១៨) ៖ លទ្ធផលផ្លូវការនៃការបោះឆ្នោតជ្រើសតាំងតំណាងរាស្ត្រនីតិកាលទី៦បានបង្ហាញថា គណបក្សប្រជាជនកម្ពុជាទទួលបានសំឡេងឆ្នោតសរុបចំនួន ៤.៨៨៩.១១៣សំឡេង និងទទួលបានអាសនៈទាំង១២៥នៅក្នុងរដ្ឋសភា(អាសនៈទាំងអស់)។
ចំណែកគណបក្សនយោបាយចំនួន១៩ផ្សេងទៀត បើទោះបីជាទទួលបានសំឡេងឆ្នោតគាំទ្រតិច ឬច្រើន យ៉ាងណាក៏ដោយ គឺសំឡេងមិនគ្រប់ក្នុងការទទួលបានអាសនៈសភានោះទេ។
នេះបើយោងលើការប្រកាសផ្លូវការដោយគ.ជ.ប.កាលពីម៉ោង៧:៣០យប់ថ្ងៃទី១៥ខែសីហាឆ្នាំ២០១៨។ បន្ទាប់ពីគណបក្សប្រជាជនកម្ពុជា គឺគណបក្សហ្វ៊ុនស៊ិនប៉ិច ទទួលបានសំឡេងឆ្នោតគាំទ្រចំនួន ៣៧៤.៥១០សំឡេង និងគណបក្សសម្ព័ន្ធដើម្បីប្រជាធិបតេយ្យ ទទួលបានសំឡេងឆ្នោតគាំទ្រចំនួន ៣០៩.៣៦៤សំឡេង៕
