ពលការិនីម្នាក់ស្លាប់ក្រោយត្រឡប់ពីប្រទេសម៉ាឡេស៊ី
កាលពីថ្ងៃទី២៤ មិថុនា ២០១២ ពលការិនីម្នាក់ឈ្មោះ កុយ លីដា ឬហៅថា ទូច ស្រីណេត អាយុ ១៧ឆ្នាំ ដែលបានត្រឡប់មកពីបម្រើការងារនៅតាមផ្ទះនៅប្រទេសម៉ាឡេស៊ី រយៈពេល ១ឆ្នាំកន្លងមកនោះ ពេលនេះធ្លាក់ខ្លួនឈឺស្លាប់នៅមន្ទីរពេទ្យកាល់ម៉ែត។
ពលការិនីម្នាក់ឈ្មោះ កុយ លីដា បានចេញទៅបម្រើការងារនៅតាមផ្ទះនៅប្រទេសម៉ាឡេស៊ី នៅឆ្នាំ២០១១ និងឆ្នាំ២០១២ តាមរយៈក្រុមហ៊ុនឈ្មោះ (T&P)។ ចំពោះក្រុមហ៊ុននេះត្រូវបានរដ្ឋាភិបាលប្រកាសឲ្យបិទនៅឆ្នាំ២០១១ បន្ទាប់ពីមានពលការិនីម្នាក់នេះបានមកដល់ប្រទេសកម្ពុជាវិញកាលពី ខែឧសភា ឆ្នាំ២០១២ ហើយធ្លាក់ខ្លួនឈឺធ្ងន់រហូតដល់ស្លាប់។
ទោះបីជារដ្ឋាភិបាលបានប្រកាសបិតក្រុមហ៊ុនអស់ជាច្រើនក៏ដោយក៏យើងនៅតែឃើញមានអតីតពលការនីមានបញ្ហាផ្លូវចិត្ត ឆ្កួត និងស្លាប់ជាបន្តបន្ទាប់។រាល់ក្រុមហ៊ុនដែលបញ្ជូនពលការនីចេញទៅម៉ាឡេស៊ីនិងហ្វីលីពីនត្រូវបានរដ្ឋាភិបាលបិតអស់ជាច្រើនមកហើយ ប៉ុន្តែគេសង្កេតឃើញនៅមានក្រុមហ៊ុនដែលនាំពលករចេញទៅកូរ៉េ តែមិនទាន់មានបានទទួលដំណឹងថាពលករមានបញ្ហានៅឡើយទ៕