សម្តេចតេជោ ៖ ពេលគណបក្សប្រជាជនកម្ពុជាជាប់ឆ្នោត នឹងបើកប្រាក់ខែឲ្យកម្មករកន្លះខែម្តង
សារព័ត៌មាន Cambodia News
រាជធានីភ្នំពេញ (១៩ កក្កដា ២០១៩) ៖ ក្នុងឱកាសអញ្ជើញទស្សនកិច្ចស្វែងយល់ ពីសង្វាក់ផលិតកម្មរោងចក្រ និងសកម្មភាពកម្មករ-កម្មការិនី រោងចក្រ ថប សាមីត ហ្គាមេន នៅព្រឹកថ្ងៃទី១៨ ខែកក្កដា នេះ សម្តេចតេជោ ហ៊ុន សែន បានមានប្រសាសន៍ថា នៅពេលគណបក្សប្រជាជនកម្ពុជា ជាប់ឆ្នោតក្នុង ការដឹកនាំប្រទេសនៅអាណត្តិទី៦ខាងមុខនេះ ហើយសម្តេចដឹកនាំប្រទេសបន្តទៀត នឹងបើកប្រាក់ខែ ឲ្យកម្មករ២ដងក្នុង១ខែ គឺនៅថ្ងៃ១៥ និងចុងខែជារៀងរាល់ខែ។
សម្តេចតេជោ ហ៊ុន សែន នាយករដ្ឋមន្រ្តីកម្ពុជា ក្នុងមុខតំណែងអាណត្តិទី៥ នាពេលបច្ចុប្បន្ន មកពីបក្សកាន់អំណាច បានថ្លែងទៀតថា តើក្មួយៗ បានត្រៀមខ្លួនទៅបោះឆ្នោតហើយឬនៅ ? នៅថ្ងៃទី ២៩ កក្កដា ខាងមុខនេះ? ដូច្នេះក្មួយត្រៀម អត្តសញ្ញាណប័ណ្ណទុកទៅបោះឆ្នោតផង ព្រោះមានសារៈសំខាន់។
សម្តេចបន្តថា “ដោយសារប្រទេសមានសន្តិភាព ទើបកូនក្មួយមានការងារធ្វើជាប់លាប់ល្អ នឹងមាន ប្រាក់ចំណូលសមរម្យ។ នៅពេលដែលគណបក្សប្រជាជនឈ្នះឆ្នោត គឺយើងនឹងរៀបចំឲ្យក្មួយៗបើក ប្រាក់ខែ នៅរៀងរាល់ពីរអាទិត្យម្តងៗ គឺបើកនៅរៀងរាល់ថ្ងៃទី ១៥ និងចុងខែបើកម្តងទៀត”៕
