ស្លាប់៣នាក់ របួស៨នាក់ក្នុងគ្រោះថ្នាក់ចរាចរណ៍ទូទាំប្រទេសម្សិលមិញ
សារព័ត៌មាន Cambodia News/
រាជធានីភ្នំពេញ (១៧ កក្កដា ២០១៨) ៖ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសនៅថ្ងៃទី១៦ ខែកក្កដា ឆ្នាំ២០១៨ម្សិលមិញ កើតឡើងចំនួន៩លើក(យប់៥លើក) បណ្តាលឲ្យរងស្លាប់៣នាក់ របួសធ្ងន់៦នាក់(ស្រី១នាក់) របួសស្រាល២នាក់(ស្រី១នាក់) មិនពាក់ពួកសុវត្ថិភាពេលគ្រោះថ្នាក់៦នាក់(យប់៣នាក់)។ នេះបើយោងតាមរបាយការណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ។
របាយការណ៍ដដែលបន្តថា នៅក្នុងករណីគ្រោះថ្នាក់ចរាចរណ៍ទាំង ៩លើកនេះ បានបង្កឲ្យមានការខូចខាតយានយន្តសរុប ១៨គ្រឿង ក្នុងនោះមានម៉ូតូ ៨គ្រឿង រថយន្តតូច ៧គ្រឿង រថយន្តធំ ១គ្រឿង និងយានផ្សេងៗ ២គ្រឿង ហើយមូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្បឿន ៣លើក(ស្លាប់២នាក់), មិនគោរពសិទ្ធិ ២លើក, ប្រជែង ១លើក(ស្លាប់១នាក់), មិនប្រកាន់ស្តាំ ១លើក កត្តាយាន ២លើក ។
របាយការណ៍ខាងលើបញ្ជាក់ថា គ្រោះថ្នាក់នៅលើដងផ្លូវ មានផ្លូវជាតិ ៥លើក ផ្លូវខេត្ត ៤លើក ។ ដោយឡែក យានយន្តដែលបង្កហេតុ រួមមាន ម៉ូតូ ២លើក រថយន្តតូច ៥លើក យានផ្សេងៗ ២លើក ។ ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តបាត់ដំបង ២លើក ស្លាប់១នាក់ របួស២នាក់, កំពង់ស្ពឺ ១លើក ស្លាប់១នាក់ និងខេត្តក្រចេះ ១លើក ស្លាប់១នាក់ ។
របាយការណ៍គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល១៣ថ្ងៃ ចាប់គិតពីថ្ងៃទី០១ ដល់ ថ្ងៃទី១៦ ខែកក្កដា ឆ្នាំ២០១៨ កើតឡើងចំនួន ១១៥លើក បណ្តាលឲ្យមនុស្សស្លាប់ចំនួន ៧១នាក់ របួសសរុប ២០១នាក់ របួសធ្ងន់ ១០៥នាក់ របួសស្រាល ៨៦នាក់ ៕
