សម្តេចតេជោ ហ៊ុន សែន បង្ហាញពីមូលហេតុសំខាន់ៗដែលនាំអោយប្រជាជននៅតែស្រឡាញ់គាំទ្រ
សារព័ត៌មាន Cambodia News/
ភ្នំពេញ (១១ កក្កដា ២០១៨) ៖ តាមរយៈហ្វេសប៊ុកផ្លូវការរបស់សម្តេចនៅព្រឹកនេះ សម្តេចតេជោ ហ៊ុន សែន នាយករដ្ឋមន្ត្រី និងជាប្រមុខគណបក្សប្រជាជនកម្ពុជា បានបង្ហាញសារនយោបាយសំខាន់ៗចំនួន៦ចំនុច ដែលធ្វើអោយប្រជាជននៅតែគោរពស្រឡាញ់គាំទ្របក្សប្រជាជនកម្ពុជា។
សម្តេចបានសរសេរថាគណបក្សប្រជាជនកម្ពុជា លេខរៀងទី ២០
គឺជា គណបក្សដែលមានពលរដ្ឋខ្មែរគាំទ្រច្រើនជាងគេបំផុតទាំងនៅក្នុងប្រទេស និងក្រៅប្រទេស!
សម្តេចបន្តថា មូលហេតុមួយចំនួនតូចខាងក្រោម គឺបានធ្វើអោយបងប្អូនប្រជាពលរដ្ឋគាំទ្របោះឆ្នោតអោយ គណបក្សប្រជាជន ដឹកនាំប្រទេសមកទល់សព្វថ្ងៃ។
១)គឺជាគណបក្សដែលបានរំដោះប្រទេសពីរបបប្រល័យពូជសាសន៍ ដែលបានសង្រ្គោះជាតិពិតប្រាកដ។
២)ជាគណបក្សដែលរួមសុខរួមទុក្ខជាមួយពលរដ្ឋ ទោះបីប្រទេសជាតិស្ថិតក្នុងស្ថានភាពបែបណាក៏ដោយ។
៣)ជាគណបក្សដែលបានថែរក្សាសុខសន្តិភាពយូរអង្វែង ដែលកំពុងផ្តល់ក្តីសុខដល់ពលរដ្ឋទូទាំងប្រទេស។
៤)ជាគណបក្សដែលផ្តល់ឱកាសដល់យុវជន និងកូនក្មួយកម្មករ។
៥)ជាគណបក្សដែលបានប្រែក្លាយកម្ពុជាពីវាលពិឃាតមកជាកម្ពុជាអច្ឆរិយៈ ស្មើមុខស្មើមាត់ជាមួយអន្តរជាតិ ដែលមានការទាក់ទាញបំផុតនៅក្នុងតំបន់។
៦)ជាគណបក្សតែ១គត់ដែលដែលសំបូរធនធានមនុស្ស មានសមត្ថភាពពេញលេញ និងមានលទ្ធភាពគ្រប់គ្រាន់ក្នុងការដឹកនាំអភិវឌ្ឍន៍ប្រទេសអោយកាន់តែរីកចម្រើនយូរអង្វែង។
ដូច្នេះសម្តេចក៏សូមអញ្ជើញបងប្អូនបោះឆ្នោតជូន “គណបក្សប្រជាជនកម្ពុជា” លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ!
