ស្លាប់៥នាក់ និងរបួសច្រើននាក់ក្នុងការបាញ់ប្រហារគ្នានៅការិយាល័យកាសែតមួយនៅអាមេរិក
សារព័ត៌មាន Cambodia News/
វ៉ាស៊ិនតោន: ទីភ្នាក់ងារចិនស៊ិនហួចេញផ្សាយ នៅថ្ងៃសុក្រទី២៩ ខែមិថុនានេះ បានឲ្យដឹងថា មនុស្ស៥នាក់ត្រូវបានសម្លាប់ នៅរសៀលថ្ងៃព្រហស្បតិ៍ ដោយជាច្រើននាក់ទៀតរងរបួសធ្ងន់ធ្ងរ នៅក្នុងការបាញ់ប្រហារ ដ៏កក្រើកមួយនៅឯកាសែតប្រចាំ ថ្ងៃអាមេរិក Capital Gazette ក្នុងទីក្រុង Annapolisរដ្ឋMaryland។
ខ្មាន់កាំភ្លើងមកដល់ពេលនេះត្រូវបានចាប់ខ្លួន ហើយខណៈដែលក្រុមការងារកំពុងធ្វើការស៊ើប សួរប៉ុន្តែនៅមិនទាន់ប្រកាស អត្តសញ្ញាណ នៃខ្មាន់កាំភ្លើងនេះនៅឡើយដែរ។ ប្រភពរាយការណ៍ដំបូង បានអះអាងថាបុរសជាខ្មាន់កាំភ្លើងខ្លី ក្នុងការបាញ់ប្រហារ លើកនេះ ហើយធ្វើសកម្មភាពតែម្នាក់ឯងគត់៕
