ករណីបញ្ចូលមេជីវិតឲ្យពពោះឃាត់ខ្លួនមនុស្សជាង៤០នាក់
សារព័ត៌មាន Cambodia News/
ភ្នំពេញ ៖ កម្លាំងសមត្ថកិច្ចចម្រុះខណ្ឌឬស្សីកែវ សហការជាកម្លាំងការិយាល័យប្រឆាំងការជួញដូរ មនុស្សនិងការពារអនិតិជន ក្រសួងមហាផ្ទៃឆ្មក់បង្ក្រាបនិងឃាត់ខ្លួនមនុស្សជាង៤០នាក់ដែល ពាក់ព័ន្ធករណី(បញ្ជូលមេជីវិតឲ្យពពោះ)ចាប់បង្ខំស្ត្រីឲ្យមានកូនដោយសប្បដិម្មិត្ត កាលពីវេលាម៉ោង៧និង៣០នាទី ថ្ងៃទី២១ ខែមិថុនា ឆ្នាំ២០១៨ ស្ថិតនៅចំណុចផ្ទះលេខ២អា និង៩អា ក្រុម៤ ភូមិ៤ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ។
សូមបញ្ជាក់ផងដែរថា ប្រតិបត្តិការនេះ មានការសម្របសម្រួលពីព្រះរាជអាជ្ញារង កួច គឹមទ្បុង។ ជាលទ្ធផល ការបង្ក្រាបនេះសមត្ថកិច្ចឃាត់ខ្លូនបានជនសង្ស័យម្នាក់ ឈ្មោះ LlU QlANG ភេទប្រុស អាយុ៤៩ឆ្នាំ (ជនជាតិចិន) និងស្ត្រីពពោះចំនួន៣៧នាក់ មេការ២នាក់ និងដកហូតរថយន្ត២គ្រឿង រួមមាន រថយន្តឡិចស៊ីស 470 រថយន្តស៊ាំយ៉ុង និងម៉ូតូ១គ្រឿងផងដែរ។
នៅចំពោះមុខជនសង្ស័យ និងស្ត្រីពពោះ មេកា និងរថយន្ត ត្រូវបានសមត្ថកិច្ចប្រគល់ទៅ កាន់ការិយាល័យជួញដូរផ្លូវភេទដើម្បីចាត់ការបន្តតាមនីតិវិធី។ បច្ចុប្បន្នជនសង្ស័យនិងមេការ សមត្ថកិច្ចជំនាញកំពុងឃាត់ខ្លួននៅនាយកដ្ឋានប្រឆាំងការជួញដូរមនុស្សនិងការពារអនិតិជនក្រសួងមហាផ្ទៃធ្វើការសួរនាំនិងកសាងសំណុំរឿងបញ្ជូនទោតុលាការចត់ការបន្ត៕ ដោយ ៖ សារព័ត៌មាន Cambodia News/
