បោះឆ្នោតអាណត្តិនេះមានមណ្ឌលបោះឆ្នោត២៥ និងការិយាល័យបោះឆ្នោត២២.៩៦៧
សារព័ត៌មាន Cambodia News/
ភ្នំពេញ ៖ គ.ជ.ប បង្ហាញថា សម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី ៦ ឆ្នាំ ២០១៨ នេះ មានមណ្ឌលបោះឆ្នោតចំនួន ២៥ មណ្ឌល និងការិយាល័យបោះឆ្នោតសរុបចំនួន ២២.៩៦៧ ការិយាល័យនៅទូទាំងប្រទេស។
ចំណែក ការបោះឆ្នោតជ្រើសតាំងតំណាងរាស្ត្រនីតិកាលទី ៦ ឆ្នាំ ២០១៨ នឹងប្រព្រឹត្តិទៅនៅថ្ងៃទី ២៩ ខែកក្កដាឆ្នាំ ២០១៨ ដែលមានគណបក្សនយោបាយចំនួន ២០ ចូលរួមប្រកួតប្រជែងដើម្បីដណ្តើមយកអាសនៈនៅក្នុងរដ្ឋសភា ព្រមទាំងមានអ្នកបោះឆ្នោតចំនួន ៨.៣៨០.២១៧នាក់ នៅក្នុងបញ្ជីរបស់គ.ជ.បដែលមានសិទ្ធិបោះឆ្នោតសម្រាប់ការបោះឆ្នោតថ្នាក់ជាតិមួយនេះ៕
