សម្តេចតេជោ ហ៊ុន សែន ការដុតរូបទីងមោង វាមិនអាចធ្វើឲ្យសម្តេចស្លាប់បានទេ
សារព័ត៌មាន Cambodia News/
ភ្នំពេញ (២៨ កុម្ភៈ ២០១៨) ៖ ថ្លែងនៅក្នុងពិធីជំនួបសំណេះសំណាលជាមួយកម្មករ កម្មការិនី ប្រមាណ២០០០០នាក់ នៅខេត្តកំពង់ស្ពឺនាព្រឹកថ្ងៃទី២៨ ខែកុម្ភះ នេះ សម្តេច ហ៊ុន សែន បានផ្ញើសារទៅកាន់ក្រុមប្រឆាំងនៅក្រៅប្រទេសថា « បើចង់ឲ្យ ហ៊ុន សែន ងាប់ត្រូវដុត ឬវ៉ៃកំទេចរូបនាគទាំងអស់នៅតាមវត្តអារាម ព្រោះថា សម្តេចកើតឆ្នាំរោង ( នាគរាជ ) ។
សម្តេចថ្លែងបែបនេះ បន្ទាប់ពីក្រុមអ្នកគាំទ្របក្សប្រឆាំងនៅក្រៅប្រទេសប៉ុន្មានថ្ងៃនេះ បាននាំគា្នដុតរូបទីងមោងដែលគេថា តំណាងសម្តេចជាសាធារណៈ ដែលសកម្មភាពនោះបង្ហាញនូវក្តីអាមាសសម្រាប់ ជាតិសាសន៍ខ្មែរទាំងមូល ។ ប៉ុន្តែសម្តេចថា ការដុតនោះគឺខុសហើយ វាមិនអាចធ្វើឲ្យសម្តេច ស្លាប់បានទេ សូមប្រាប់ទៅចុះថា បើចង់ឲ្យសម្តេចស្លាប់នោះ គឺមានតែដុត ឬវ៉ៃកម្ទេច រូបនាគទាំងអស់ដែលជានៅនឹងវត្តអារាមនោះទេ ព្រោះថា ជីវិតសម្តេចគឺភ្ជាប់ជាមួយរូបនាគទាំង អស់ដែលនៅជាប់វត្តអារាម៕
