សម្តេចហ៊ុន សែន ៖ អ្នកនយោបាយជាច្រើនគ្រាន់តែសន្យាឲ្យតែពីរោះស្តាប់
សារព័ត៌មាន Cambodia News/
ភ្នំពេញ ( ២១ មករា ២០១៦ ) ៖ តាមរយ: Facebook ផ្លូវការ សម្តេច ហ៊ុន សែន បានលើកឡើងថា តាំងពីមុន និងក្រោយរំដោះប្រទេសពីរបបខ្មែរក្រហម ប៉ុលពត សម្តេចតែងតែនៅរួមសុខរួមទុក្ខបម្រើជនរួមជាតិឲ្យបានរស់នៅក្នុងសន្តិភាព រហូតមកទល់សព្វថ្ងៃ។
អ្វីដែលសម្តេចចង់បានខ្លាំងបំផុតនោះគឺប្រជាពលរដ្ឋបានរស់នៅប្រកបដោយសេចក្តីសុខ និងសប្បាយរីករាយក្នុងគ្រួសារ ជាមួយជីវភាពរស់នៅកាន់តែប្រសើរឡើង។
ទន្ទឹមនឹងនោះ សម្តេចចង់ឃើញយុវជនខ្មែរ កាន់តែមានឱកាសច្រើនក្នុងការសិក្សា ការប្រកបការងារ និងការចូលរួមក្នុងសង្គមជាតិ។
សម្តេចក៏បានចំអកផងដែរ ដល់អ្នកនយោបាយខ្លះដែលគ្រាន់តែសន្យា ឲ្យតែពីរោះស្តាប់ ឯការអនុវត្តគឺផ្ទុយស្រឡះ។ នេះបើយោងតាមការលើកឡើង នៅលើ Facebook របស់សម្តេចនាព្រឹកថ្ងៃទី២១មករានេះ។
សម្តេចបានបញ្ជាក់ថា នៅក្រោមម្លប់សន្តិភាពនេះហើយ ទើបប្រទេសយើងបានកសាងនូវសមិទ្ឋផលជាតិជាច្រើន ដែលពេលនេះ បានធ្វើឲ្យកម្ពុជាយើងក្លាយទៅប្រទេស ស្មើមុខមាត់លើឆាកអន្តរជាតិ។ យើងត្រូវរួមគ្នាថែររក្សាការពារសន្តិភាពឲ្យនៅគង់វង្ស៕
