ក្រសួងព័ត៌មានជំរុញឲ្យអ្នកសារព័ត៌មានប្រើប័ណ្ណសម្គាល់ខ្លួនទម្រង់ថ្មី
សារព័ត៌មាន Cambodia News/
ភ្នំពេញ (២៩ ធ្នូ ២០១៧) ៖ ក្នុងសន្និសីទសារព័ត៌មាននៅទីការក្រសួងព័ត៌មានកាលពីល្ងាចថ្ងៃទី២៨ ខែធ្នូ ម្សិលមិញ ឯកឧត្តម ផុស សុវណ្ណ មន្ត្រីទទួលបន្ទុកអគ្គនាយកដ្ឋានសោតទស្សន៍នៃក្រសួងព័ត៌មាន និងជាទីប្រឹក្សារដ្ឋាភិបាល បានថ្លែងអំពាវនាវឲ្យអ្នកសារព័ត៌មានទាំងអស់ ត្រូវប្រើប្រាស់បណ្ណដែលចេញដោយក្រសួងព័ត៌មានទម្រង់ថ្មីវិញ។
ការអំពាវនាវនេះត្រូវបានឯកឧត្តម ផុស សុវណ្ណ បញ្ជាក់ថា គឺដើម្បីងាយស្រួលក្នុងការគ្រប់គ្រងអ្នកសារព័ត៌មាន។ ដើម្បីជូនដំណឹងដល់អ្នកសារព័ត៌មានដែលត្រូវបានបញ្ជូនឈ្មោះមកកាន់ក្រសួងព័ត៌មាន ដើម្បីចុះឈ្មោះចូលរួមក្នុងពិធីសំណេះសំណាលប្រចាំឆ្នាំ២០១៨ខាងមុខ ដែលមានវត្តមានរបស់ប្រមុខរាជរដ្ឋាភិបាលសម្តេចតេជោ ហ៊ុន សែន។
ឯកឧត្តម បានថ្លែងថា មានឈ្មោះអ្នកសារព័ត៌មានប្រមាណជាង២.០០០នាក់ ត្រូវបានបញ្ជូនមកាន់ក្រសួងព័ត៌មានហើយអ្នកដែលត្រូវបានជ្រើសរើសចូលរួមត្រូវប័ណ្ណសម្គាល់ខ្លួនថ្មីនេះ ហើយប័ណ្ណនេះអាចប្រើប្រាស់មានសុពលភាព១ឆ្នាំ និងអាចប្រើសម្រាប់ភ្ជាប់ជាមួយការទិញទំនិញនឹងនៅកន្លែងផ្សេងទៀតនៅពេលខាងមុខផង៕ ដោយ ៖ ហេង នាង
