ក្រុមបាតុករថៃនៅតែបន្ដការដើរហែក្បូនសុំការគាំទ្រ
សារព័ត៌មាន Cambodia News/
ថៃ (២៧ មិនា ២០១៤) ៖ នៅថ្ងៃទី២៧ ខែមីនានេះ គឺជាថ្ងៃទីបី ហើយដែលក្រុមបាតុករប្រឆាំងរដ្ឋាភិបាលថៃ ដើរដង្ហែក្បួនដើម្បីសុំការគាំទ្រពីមហាជន និងសុំឱ្យប្រជាជនចូលរួមឱ្យបានច្រើនកុះករក្នុងសកម្មភាពប្រមូលផ្ដុំជាថ្មីនៅថ្ងៃសៅរ៍ខាងមុខ។
ទិសដៅនៃការដើរហែក្បូននេះចាប់ផ្ដើមនៅទីតាំងដដែលគឺសួន លុមភីនី នៅម៉ោង ៩និង ៣០នាទីព្រឹក ក្បួនបាតុករចាប់ផ្ដើមធ្វើដំណើរចេញនៅតាមដងវិថីនានាក្នុងទីក្រុងបាងកកដែលមានចម្ងាយសរុបជាង៧គីឡូម៉ែត្រ។
សូមបញ្ជាក់ថា នៅក្នុងការដឹកនាំក្បួនក្នុងទីក្រុងបាងកកដឹកនាំដោយលោកស៊ូ ថេបដដែល។ លោកស៊ូថេបបានបញ្ជាក់ដែរថា ការជួបជុំគ្នាជាថ្មីនៅថ្ងៃសៅរ៍ គឺដើម្បីធ្វើកំណែទម្រង់នៅមុនពេលរៀបចំការបោះឆ្នោតជាថ្មី បន្ទាប់ពីលទ្ធផលនៃការបោះឆ្នោតកាលពីថ្ងៃទី០២កុម្ភៈ ត្រូវទុកជាមោឃៈ៕