សម្តេច ហ៊ុន សែន បានធ្វើដំណើររដល់ទីក្រុងប៉េកាំង ប្រទេសចិនដោយសុវត្ថិភាព
សារព័ត៌មាន Cambodia News/
ភ្នំពេញ (២៩ វិច្ឆិកា ២០១៧) ៖ សម្តេចតេជោ ហ៊ុន សែន និងគណៈប្រតិភូបានធ្វើដំណើររដល់ទីក្រុងប៉េកាំង ប្រទេសចិន ដោយសុវត្ថិភាព នៅម៉ោង១២ និង២៥នាទី (ម៉ោង១៣ និង២៥នាទី ម៉ោងនៅប៉េកាំង) ខែវិច្ឆិកា ឆ្នាំ២០១៧។ នេះបើយោងតាម Facebook ផ្លូវការរបស់សម្តេចតេជោ ហ៊ុន សែន ដែលចុះផ្សាយមុននេះបន្តិច។
Facebook ផ្លូវការររបស់ប្រមុខរាជរដ្ឋាភិបាលកម្ពុជា បានបញ្ជាក់បន្ថែមថា ការអញ្ជើញដល់របស់ នាយករដ្ឋមន្ត្រី មានការទទួលស្វាគមន៍រាក់ទាក់យ៉ាងកក់ក្ដៅពីបណ្តាថ្នាក់ដឹកនាំចិន ជាច្រើនរូបផងដែរ។
សូមបញ្ជាក់ថា នៅព្រឹកថ្ងៃទី២៩ ខែវិច្ឆិកា ឆ្នាំ២០១៧នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដឹកនាំមន្ត្រីជាន់ខ្ពស់នៃរាជរដ្ឋាភិបាលកម្ពុជា អញ្ជើញទៅចូលរួម កិច្ចសន្ទនាគណបក្សនយោបាយដែលរៀបចំឡើងនៅក្នុងប្រទេសចិនចាប់ពីថ្ងៃទី២៩ ខែវិច្ឆិកា រហូតដល់ថ្ងៃទី០២ ខែធ្នូ ឆ្នាំ២០១៧នេះ៕
