បាញ់ជាច្រើនគ្រាប់ក្នុងមជ្ឈមណ្ឌលRock បណ្ដាលឲ្យរបួសម្នាក់ទាំងព្រឹក
សារព័ត៌មាន Cambodia News/
ភ្នំពេញ (២៩ វិច្ឆិកា ២០១៧) ៖ មានករណីផ្ទុះអាវុធជាច្រើនគ្រាប់នៅមជ្ឈមណ្ឌលកម្សាន្ត Rock បង្កភាពភ័យខ្លាចដល់ប្រជាពលរដ្ឋស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ នាវេលាព្រឹកថ្ងៃទី២៩ ខែវិច្ឆិកា ឆ្នាំ២០១៧ នេះ។ ការបាញ់ប្រមាណ៤គ្រាប់បណ្ដាលឲ្យមនុស្សម្នាក់រងរបួស ហើយត្រូវបានបញ្ជូនទៅសង្គ្រោះនៅមន្ទីរពេទ្យផងដែរ។
ទោះយ៉ាងណាចំពោះឧបទ្ទវហេតុនេះ កម្លាំងកងរាជអាវុធហត្ថខណ្ឌចំការមនបានឃាត់ខ្លួនបុរសម្នាក់យកទៅបញ្ជាការមូលដ្ឋានកងរាជអាវុធហត្ថខណ្ឌចំការមន ដើម្បីធ្វើការសាកសួរផងដែរ ប៉ុន្តែ លោកមេបញ្ជាការរូបនេះ មិនបានបញ្ជាក់លម្អិតទេ គ្រាន់តែថាករណីបាញ់ប្រហារនៅក្នុងមជ្ឈមណ្ឌលកម្សាន្ត Rock ពិតជាមានមែន។
បើតាមសេចក្ដីរាយការណ៍បញ្ជាក់ឲ្យដឹងថា ករណីផ្ទុះអាវុធនេះ កើតឡើងដោយសារជម្លោះ ប្រភពព័ត៌មានឲ្យដឹងថា អ្នកបាញ់បោះសេរីនៅមជ្ឈមណ្ឌលកំសាន្ត Rock គឺជាកូនមន្ត្រីអ្នកធំមួយរូបដែលចូលទៅបាញ់នៅក្នុងបន្ទប់ខារ៉ាអូខេតែម្តង៕
