មនុស្សជាងដប់នាក់ របួសធ្ងន់ស្រាល បង្កដោយរថយន្ត២គ្រឿង
សារព័ត៌មាន Cambodia News/
កណ្តាល (២១ វិច្ឆិកា ២០១៧) ៖ មនុស្សជាងដប់នាក់ មានទាំងទារក និងស្ត្រី បានរងរបួសធ្ងន់ស្រាល នៅក្នុងគ្រោះថ្នាក់ចរាចរណ៍ដ៏រន្ធត់មួយបង្កដោយរថយន្ត២គ្រឿង កាលពីថ្ងៃត្រង់ ថ្ងៃទី២០ ខែវិច្ឆិកា ឆ្នាំ២០១៧ នេះ តាមបណ្ដោយផ្លូវជាតិលេខ៤ ចន្លោះគីឡូម៉ែត្រ ២៧-២៨ ក្នុងស្រុកអង្គស្នួល ខេត្តកណ្ដាល ។
តាមប្រភពព័ត៌មាន បានឲ្យដឹងថា រថយន្ត ១គ្រឿង ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3B-8815 បានធ្វើដំណើរលើផ្លូវជាតិលេខ៤ ទិសដៅពីខាងលិចទៅកើត (កំពង់សោម-ភ្នំពេញ) លុះដល់ចំណុចកើតហេតុខាងលើ បានជ្រុលទៅបុករថយន្ត១គ្រឿងទៀត ម៉ាកសាំងយ៉ុង ប្រភេទទេសចរណ៍ ១៥កៅអី ពណ៌ស ធ្វើដំណើរក្នុងទិសដៅបញ្ច្រាសគ្នានិងដាក់មនុស្ស១៥នាក់។
ក្រោយពេលកើតហេតុ អ្នកបើកបររថយន្ត ម៉ាកហ៊ីយ៉ាន់ដាយរត់គេចខ្លួនបាត់ហើយជំនាញបានប្រមូលមធ្យោបាយដែលពាក់ព័ន្ធមករក្សាទុកនៅអធិការដ្ឋាន ដើម្បីកសាងសំណុំរឿងតាមនីតិវិធី៕
