សម្តេច ហ៊ុន សែន ៖ «បើមិនរំលាយ ស៊ីតែ ១ បើអត់រំលាយសង ១០០»
សារព័ត៌មាន Cambodia News/
ភ្នំពេញ (០៨ វិច្ចិកា ២០១៧៖ នៅក្នុងពិធីជួបសំណេះសំណាលជាមួយកូនៗ ក្មួយកម្មករ កម្មការិនីជាង ១៤.០០០នាក់ មកពីរោងចក្រចំនួន២០ នៅតំបន់ចំការដូង ក្នុងខណ្ឌដង្កោ រាជធានីភ្នំពេញ នាថ្ងៃទី ៨ វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបបួលលោក សម រង្ស៊ី អតីតមេបក្សប្រឆាំងភ្នាល់គ្នាថា បើគណបក្សសង្គ្រោះជាតិមិនរំលាយ ស៊ីតែ ១ បើអត់រំលាយសង ១០០។
ការលើឡើងរបស់សម្តេចតេជោ ហ៊ុន សែន បែបនេះ បន្ទាប់ពីអតីតមេបក្សប្រឆាំងរូបនេះ បន្តភូតភរនៅក្រៅប្រទេសថា គណបក្សប្រឆាំងនឹងមិនត្រូវបានរំលាយនោះទេ។
សម្តេចបានបញ្ជាក់ថា ខណៈដែលសម្តេចស្នើឱ្យថ្នាក់ដឹកនាំមូលដ្ឋានដែលជាប់ជាមេឃុំ-ចៅសង្កាត់ ក៏ដូចជាអ្នកតំណាងរាស្ត្រមកពីបក្សប្រឆាំងមករួមរស់ជាមួយគណបក្សប្រជាជនកម្ពុជានោះ លោក សម រង្ស៊ី ដែលកំពុងតែរស់នៅក្រៅប្រទេសគេចវេសពីទោសទណ្ឌជាប់ពន្ធនាគារនោះ បែរជាបន្តឃោសនាថា គណបក្សសង្គ្រោះជាតិនឹងមិនត្រូវរំលាយទេ ៕
