ក្រសួងទេសចរណ៍ នឹងរៀបចំព្រឹត្តិការណ៍ទេសចរណ៍ម្ហូបអាហារដ៏ធំលើកដំបូងនៅកម្ពុជា
សារព័ត៌មាន Cambodia News/
ភ្នំពេញ (២០ សីហា ២០១៩) ៖ យោងតាមតាមហ្វេសប៊ុក ក្រសួងទេសចរណ៍បានឲ្យដឹងថា នាថ្ងៃទី២១ ខែសីហា ឆ្នាំ២០១៩ ខាងមុខនេះ បានសហការជាមួយអង្គការ ទេសចរណ៍ពិភពលោក (UNWTO) នឹងរៀបចំសន្និសីទ អន្តរជាតិលើកទី១ ស្តីពីទេសចរណ៍ម្ហូបអាហារ អន្តរជាតិដ៏ធំលើកដំបូងនៅកម្ពុជានៅសណ្ឋាគារសុខាភ្នំពេញ ដែលជាព្រឹត្តិការណ៍ ។
សន្និសីទអន្តរជាតិលើកទី១ ស្តីពី «ទេសចរណ៍ម្ហូបអាហារកម្ពុជា៖ លើកកម្ពស់គុណតម្លៃប្រពៃណី និងបេតិកភណ្ឌ សម្រាប់ការអភិវឌ្ឍទេសចរណ៍ ប្រកបដោយចីរភាព» មានគោលដៅផ្សព្វផ្សាយ ពីសក្តានុពលទេសចរណ៍ម្ហូបអាហារ និងផលិតផលខ្មែរ ឲ្យក្លាយជាផលិតផលទេសចរណ៍ ប្រកបដោយភាពទាក់ទាញថែមទៀត។
ក្នុងសន្និសីទអន្តរជាតិនេះ ក៏នឹងមានការចូលរួមពីវាគ្មិនជាតិ-អន្តរជាតិ តំណាងអង្គការទេសចរណ៍ពិភពលោក (UNWTO) ប្រទេសសមាជិកអាស៊ាន ព្រមទាំងមានការចូលរួមពីស្ថាប័នរដ្ឋ ឯកជន សិស្ស និស្សិត និងមានការតាំងបង្ហាញផលិតផលខ្មែរមកពីបណ្តារាជធានី-ខេត្តនានាផងដែ៕
