សម្តេចតេជោ ហ៊ុន សែន អបអរសាទរព្រឹទ្ធាចារ្យ គង់ ណៃ ទទួលពានរង្វាន់ Fukuoka ពីជប៉ុន
សារព័ត៌មាន Cambodia News/
ភ្នំពេញ (២៩ កញ្ញា ២០១៧) ៖ សម្តេចតេជោ ហ៊ុន សែន នាយករដ្ឋមន្ត្រីបានផ្តល់កិត្តិយសជួបសំណេះសំណាល និងបំពាក់គ្រឿងឥស្សរិយយសជូនលោកព្រឹទ្ធាចារ្យកោសល្យវោហារ គង់ ណៃ ព្រឹកថ្ងៃទី២៩ ខែកញ្ញានេះ នៅវិមានសន្តិភាពដែលទទួលបានពានរង្វាន់សិល្បៈវប្បធម៌ ក្រុងហ្វុគុហូកា នៃប្រទេសជប៉ុន។
សូមរម្លឹកថា ព្រឹទ្ធាចារ្យកោសល្យវោហារគង់ ណៃ ត្រូវបានក្រុង Fukuoka ប្រទេសជប៉ុន អញ្ជើញទទួលជ័យលាភីពានរង្វាន់ក្រុង Fukuoka ឆ្នាំ២០១៧ ផ្នែកសិល្បៈ និងវប្បធម៌ កាលពីថ្ងៃព្រហស្បតិ៍ ទី២១ ខែកញ្ញា ២០១៧ អមដោយមានវត្តមានដ៏ខ្ពង់ខ្ពស់របស់ព្រះអម្ចាស់ Akishino និងព្រះមហេសីផងដែរ។
ការប្រគល់ពានរង្វាន់ទីក្រុង Fukuoka លើកទី២៨នេះ មានជ័យលាភីមកពី៣ប្រទេសក្នុងតំបន់អាស៊ី ក្នុងនោះក្រៅពីព្រឹទ្ធាចារ្យចាប៉ី គង់ ណៃ មានជ័យលាភីមកពីប្រទេសចិន គឺលោក Wang Ming ផ្នែកការសិក្សាសម្រាប់ការជំរុញឲ្យមានការបង្កើតស្ថាប័នសិក្សាពីអង្គការមិនទទួលប្រាក់កម្រៃនៅចិន និងលោកបណ្ឌិត Chris Baker និងភរិយាលោកស្រី Pasuk Phongpaichit មកពីថៃ សម្រាប់ការស្រាវជ្រាវអស់រយៈពេលជាច្រើនឆ្នាំរបស់ប្តីប្រពន្ធទាំងពីរលើវិស័យសេដ្ឋកិច្ច និងប្រវត្តិសាស្ត្រទាំងក្នុងប្រទេសថៃ និងតំបន់អាស៊ី៕
