អាជ្ញាធរភ្នំពេញ នឹងបិទផ្លូវ ជាបណ្តោះអាសន្ន ចាប់ពីរង្វង់មូលទួលគោក ដល់ស្តុបទួលគោក
សារព័ត៌មាន Cambodia News/
ភ្នំពេញ (០៨ កញ្ញា ២០១៤) ៖ នៅថ្ងៃទី៩ ស្អែកនេះ សាលារាជធានីភ្នំពេញ នឹងបិទផ្លូវជាបណ្តោះអាសន្ន នៅលើកំណាត់មហាវិថី គឹម អ៊ីលស៊ុង ចាប់ពីរង្វង់មូលទួលគោក ដល់ស្តុបទួលគោក ដើម្បី បើកការដ្ឋានស្ថាបនា ស្ពាន អាកាសទី៤ និងផ្លូវក្រោម ដីតិចណូ ក្រោម អធិបតីភាពដ៏ខ្ពង់ ខ្ពស់របស់លោក ហ៊ុន សែន នាយករដ្ឋមន្រ្តី នៃប្រទេសកម្ពុជា។
យោងតាមសេចក្តី ជូនដំណឹង របស់សាលារាជធានីភ្នំពេញ ចេញផ្សាយនៅថ្ងៃទី៧ ខែកញ្ញា បានឲ្យដឹងថា ដើម្បីប្រារព្ធពិធីឲ្យប្រព្រឹត្តទៅដោយរលូន និងរក្សាបាននូវសន្តិសុខ សុវត្ថិភាពសណ្តាប់ធ្នាប់ របៀបរៀប រយ សាធារណៈ ព្រមទាំងបញ្ចៀសបានការកកស្ទះចរាចរណ៍ សាលារាជធានីនឹង ធ្វើការបិទសកម្មភាព ចរាចរណ៍ជាបណ្តោះអាសន្ន នៅលើកំណាត់មហាវិថីគឹមអ៊ីលស៊ុង ដែលជាផ្លូវឆ្លងកាត់បរិវេណ កន្លែងប្រារព្ធកម្មវិធីនៅថ្ងៃស្អែក៕
