រដ្ឋាករទឹកភ្នំពេញប្រកាសផ្អាកការទទួលប្រាក់ថ្លៃទឹករហូតដល់ថ្ងៃទី៤កញ្ញា
សារព័ត៌មាន Cambodia News/
ភ្នំពេញ (៣០ សីហា ២០១៧) ៖ រដ្ឋាករទឹកភ្នំពេញបានប្រកាសផ្អាកការទទួលប្រាក់ថ្លៃទឹករហូតដល់ថ្ងៃទី៤ខែកញ្ញាទើបចាប់ផ្តើមទទួលឡើងវិញ ពេលនេះរដ្ឋាករទឹកកំពុងតែរៀបចំវិក្កយបត្រថ្មីតាមរបៀបចាស់ ដោយមានបន្ថែមប្រភេទ៤០០រៀលនិង៥០០រៀលហើយរៀបចំបែបបទបង្វិលប្រាក់លម្អៀងសងអតិថិជនវិញ។ នេះបើយោងតាមសេចក្តីជូនដំណឹងរបស់រដ្ឋាករទឹកស្វយ័តក្រុងភ្នំពេញកាលពីថ្ងៃទី២៩ សីហា។
តាមសេចក្តីជូនដំណឹងដដែលបានឲ្យដឹងទៀតថា ការផ្អាកការទទួលប្រាក់ថ្លៃទឹកពីអតិថិជនជាបណ្តោះអាសន្នថា ក្នុងគោលបំណងធ្វើការទូទាត់សងជាសាច់ប្រាក់លម្អៀងលើសជូនអថិតិជនវិញនាថ្ងៃទី៤ខែកញ្ញារដ្ឋាករទឹកស្វយ័តក្រុងភ្នំពេញកែសម្រួលប្រពន្ធ័ចេញវិក្កយបត្រ (Software)ដែលតម្រូវឲ្យរដ្ឋាករទឹកស្វយ័តក្រុងភ្នំពេញផ្អាកការទទួលប្រាក់ថ្លៃទឹកពីអថិតិជនជាបណ្តោះអាសន្នចាប់ពីថ្ងៃជូនដំណឹងនេះរហូតដល់ថ្ងៃទី៤ខែកញ្ញា ទើបអាចដំណើរការទទួលប្រាក់ថ្លៃទឹកជាធម្មតាវិញបាន។
រដ្ឋាករទឹកក្រុងភ្នំពេញក៏បានជូនដំណឹងមួយទៀតថារដ្ឋាករទឹកក្រុងភ្នំពេញឹងធ្វើការទូទាត់សងជាសាច់ប្រាក់លម្អៀងលើសជូនអតិថិជនវិញចាប់ពីថ្ងៃទី៤ខែកញ្ញានៅតាមបញ្ជរបេឡាទាំងអស់របស់រដ្ឋាករទឹកស្វយ័តក្រុងភ្នំពេញរៀងរាល់ម៉ោងធ្វើការ ចាប់ពីម៉ោង៦ព្រឹកដល់ម៉ោង៤ល្ងាច ដោយមិនមានការសម្រាកពេលថ្ងៃត្រង់ឡើយ ដោយគ្រាន់តែយកមកជាមួយនូវ វិក្កយបត្របង់ប្រាក់ថ្លៃទឹកថ្មី៕
