សម្តេច ហ៊ុន សែន ព្រមានចាប់ខ្លួនអ្នកចោទថា ព្រឹត្តិការណ៍ឈ្លានពានបរទេសមកលើកម្ពុជាដើម្បីសន្លឹកឆ្នោត
សារព័ត៌មាន Cambodia News/
ភ្នំពេញ (១៤ សីហា ២០១៧) ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា នាព្រឹកថ្ងៃចន្ទ ទី១៤ ខែសីហា ឆ្នាំ២០១៧បានថ្លែងព្រមានជាមុនថា រាជរដ្ឋាភិបាលនឹងចាប់ខ្លួនអ្នកអត្ថាធិប្បាយទាំងឡាយណា ដែលនិយាយចោទថា ព្រឹត្តិការណ៍ឈ្លានពានបរទេសណាមួយមកលើកម្ពុជាដើម្បីសន្លឹកឆ្នោត។
សម្ដេចបានលើកឡើងថា ដើម្បីឲ្យការបោះឆ្នោត របស់យើងប្រព្រឹត្តទៅបាន តើនាយករដ្ឋមន្ត្រី ត្រូវដោះស្រាយសភាពការណ៍យ៉ាងម៉េចវ៉ៃឬក៏មិនវ៉ៃ លទ្ធភាពល្អជាងគេដាក់ទ័ពទ្រឹងនៅហ្នឹង លទ្ធភាពទី២ វ៉ៃតែម្ដង យើងបានអត់ធ្មត់សង្កត់ចិត្តចរចាឲ្យដកៗ គេមិនព្រមដក ខ្ញុំត្រូវទៅអុជធូបគេឲ្យសុំអនុញ្ញាតគេសិន ដីរបស់យើងសោះ រឿងសមរភូមិនៅហ្នឹងកន្លែងកងទ័ពវ៉ៃនៅកន្លែង រឿងការទូតបើកច្រកទៅតុលាការអន្តរជាតិក្រុងឡាអេ អ្វីដែលគេឈ្លានពានហើយអ្នកឯងថាជាវិធីដែលគណបក្សប្រជាជនយកសំឡេងឆ្នោត មិនអាចលើកលែងឲ្យបានទេ ត្រូវចាប់ខ្លួន។
សម្តេចបន្តថា អ្នកណាហ៊ានធ្វើអត្ថាធិប្បាយរឿងហ្នឹង ចំណុចជាមួយឡាវហេតុអ្វីបានជាមានរឿងហ្នឹង យើងជាមួយឡាវបានធ្វើការបោះបង្គោលព្រំដែន រឿងដែលចាប់ផ្ដើមគឺនៅកន្លែងនេះ ហើយខ្ញុំក៏អរគុណនាយករដ្ឋមន្ត្រីឡាវដែលបានឲ្យដកកងទ័ពចេញ ។ មនុស្សមួយចំនួនថាគេឈ្លានពានឲ្យឱនក្បាលឲ្យគេទៀត តែខ្ញុំទៅឡាវទៅប្រាប់ឲ្យដកទ័ពបើមិនដកទ័ពគឺវ៉ៃ នេះមិនមែនជាការឱនក្បាលទេ តែនេះជាការទូតទន់ភ្លន់ ឡាវមិនទាន់ជាសត្រូវរបស់យើងទេ។
សម្តេចបន្ថែមថា អីចឹងការដែលខ្ញុំហោះទៅឡាវសម្រេចបានជោគជ័យអ្នកឯងយល់ថាម៉េច បើខ្ញុំមិនទៅឡាវតើសភាពការណ៍វាទៅជាយ៉ាងម៉េចប៉ុន្តែរឿងរ៉ាវដែលជាគួរឲ្យសោកស្ដាយមិនដែលកំហុសនាយករដ្ឋមន្ត្រីទេ កំហុសរបស់រដ្ឋមន្ត្រីការបរទេសមិនបានបញ្ជូនសំបុត្ររបស់ខ្ញុំទៅនាយករដ្ឋមន្ត្រី…ខ្ញុំថាបើរដ្ឋមន្ត្រីការបរទេសរបស់ខ្ញុំខ្ញុំទម្លាក់ចោលឲ្យអត់ទុកទេ រឿងអីសារនាយករដ្ឋមន្ត្រីនៃប្រទេសមួយបញ្ជូនទៅមិនទៅដល់ដៃនាយករដ្ឋមន្ត្រី៕
