ជនសង្ស័យម្នាក់ត្រូវសមត្ថកិច្ចឃាត់ខ្លួន ក្រោយបានបង្ហោះវីដេអូតាម facebookថា មានករណីដេញចាប់ក្មេង
សារព័ត៌មាន Cambodia News/
តាកែវ (០១ សីហា ២០១៧) ៖ ជនសង្ស័យម្នាក់ត្រូវសមត្ថកិច្ចធ្វើការឃាត់ខ្លួន ក្រោយបានបង្ហោះវីដេអូតាមបណ្តាញសង្គមfacebookថា មានករណីជនជាតិវៀតណាម២នាក់ជិះម៉ូតូ២គ្រឿងបានដេញចាប់ក្មេងស្រី ដែលទើបចេញពីរៀន។
ហើយករណីនេះ ត្រូវបានសមត្ថកិច្ចនិងអាជ្ញាធមូលដ្ឋានបានបរិសេធ និងបានធ្វើការចោទប្រកាន់ទៅលើជនសង្ស័យថា បង្ហោះវីដេអូនៅក្នុងបណ្តាញសង្គមមិនពិតធ្វើឱ្យប៉ះពាល់ដល់ សន្តិសុខសង្គម ។
ហេតុការណ៍ចាប់ខ្លួនជនសង្ស័យនេះ ធ្វើឡើងទៅតាមដីកាបង្គាប់ឱ្យនាំខ្លួនរបស់លោកព្រះរាជអាជ្ញាអម សាលាដំបូងខេត្ត កាលពីថ្ងែទី៣១ កក្កដា ២០១៧ វេលាម៉ោង០២ និង៣០នាទីរសៀល ស្ថិតក្នុងភូមិស្វាយទង ឃុំខ្វាវ ស្រុកសំរោង ខេត្តតាកែវ ។ ជនសង្ស័យឈ្មោះលី ឆែយ៉ា អាយុ៣០ឆ្នាំ រស់នៅភូមិ-ឃុំខាងលើ តែទៅធ្វើការងារនៅរាជធានីភ្នំពេញ ៕
