គ្រោះថ្នាក់ចរាចរណ៍ថ្ងៃទី៣ ខែវិច្ឆិកា ស្លាប់ ៤នាក់ របួសធ្ងន់ស្រាល ២២នាក់
សារព័ត៌មាន Cambodia News /
ភ្នំពេញ (០៤ វិច្ចិការ ២០១៥) ៖ យោងតាមរបាយការពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិប្រាប់អោយដឹងថា កាលពីថ្ងៃទី៣ ខែវិច្ឆិកា ឆ្នាំ២០១៥ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១១លើក ក្នុងនោះយប់ ៥លើក, បណ្ដាលអោយមនុស្សស្លាប់ ៤នាក់(ប្រុស) អ្នករបួសធ្ងន់ ១៥នាក់(ស្រី៣នាក់), របួសស្រាល ៧នាក់(ប្រុស)។
នៅក្នុងហេតុការណ៍គ្រោះថ្នាក់ចរាចរណ៍ ទាំង ១១លើកនេះ បានបង្កឲ្យខូចខាតយានយន្តសរុប ១៧គ្រឿង ក្នុងនោះមានម៉ូតូចំនួន ១០គ្រឿង, រថយន្តធុនតូច ៤គ្រឿង, រថយន្តធុនធំ ២គ្រឿង, ម៉ូតូរ៉ឺម៉ក ១គ្រឿង, និងថ្មើរជើង ២នាក់ ។
ប្រភពព័ត៌មានដដែលប្រាប់បន្តថាមូលហេតុដែលបណ្ដាល ឲ្យកើតមានករណីគ្រោះថ្នាក់ចរាចរណ៍រួមមាន មិនគោរពសិទ្ធ ៥លើក, ល្មើសល្បឿន ៣លើក, ប្រជែងគ្រោះថ្នាក់ ២លើក,ស្រវឹង ១លើក, ក្នុងនោះអ្នកមិនពាក់មួកពេលគ្រោះថ្នាក់មាន ២០នាក់(យប់ ៧នាក់)៕
