អត្តសញ្ញាណបណ្ណ និងឯកសារគ្រួសារផ្សេងៗlលែងជាវត្ថុធានាក្នុងការខ្ចីប្រាកទៀតឡើយ
សារព័ត៌មាន Cambodia News/
ភ្នំពេញ (២៧ កក្កដា ២០១៧) ៖ ចាប់ពីថ្ងៃ ២៤ កក្កដា ឆ្នាំ ២០១៧មក គ្រឹះស្ថានមីក្រូហិរញ្ញវត្ថុទាំងអស់ មិនទទួលយកអត្តសញ្ញាណបណ្ណ, សៀវភៅគ្រួសារ ឬ សៀវភៅស្នាក់នៅ សម្រាប់ធ្វើជាវត្ថុធានាក្នុងការផ្ដល់ឥណទាន ឬ ខ្ចីបុលទៀតឡើយ។ នេះបើតាមសេចក្ដីជូនដំណឹងរបស់សមាគមមីក្រូហិរញ្ញវត្ថុកម្ពុជា ចេញផ្សាយនៅថ្ងៃ ២៤ កក្កដា។
យោងតាមសេចក្ដីជូនដំណឹងនេះ បានបញ្ជាក់បន្ថែមថា ស្ថាប័នមីក្រូហិរញ្ញវត្ថុទាំងអស់ គឺជាគ្រឹះស្ថានឯក ជនសុទ្ធសាធនិងធ្វើប្រតិបត្តិការសំដៅទទួលបានប្រាក់ចំណេញ ហើយអតិថិជនដែលទទួលប្រាក់កម្ចី ត្រូវមានកាតព្វកិច្ចសងត្រឡប់តាមកិច្ចសន្យាកំណត់។
សមាគមមីក្រូហិរញ្ញវត្ថុបានសង្កត់ធ្ងន់ទៀតថា គ្រឹះស្ថានមីក្រូហិរញ្ញវត្ថុ គឺជាស្ថាប័នពាណិជ្ជកម្ម និង មិនមែនជាអង្គភាពនយោបាយនោះទេ។ បុគ្គលនៃគ្រឹះស្ថានមីក្រូហិរញ្ញវត្ថុ មិនអាចប្រើប្រាស់ស្លាកសញ្ញានានារបស់គ្រឹះស្ថាន ឬ ផ្នែកណាមួយនៃប្រតិបត្តិការផ្ដល់សេវាជាមូលដ្ឋាន ក្នុងការចូលរួមសកម្មភាព ឬ ឃោសនានយោបាយនោះឡើយ។ បុគ្គលិក ដែលត្រូវបានរកឃើញថាបានប្រព្រឹត្តល្មើសនឹងគោលការណ៍នេះ នឹងទទួលពិន័យធ្ងន់ធ្ងរបំផុត៕
