ឃាត់ខ្លួនជនម្នាក់ប្រហើនហ៊ានជក់គ្រឿងញៀនបង្ហោះតាមហ្វេសប៊ុក
សារព័ត៌មាន Cambodia News/
បាត់ដំបង (២៤ កក្កដា ២០១៧) ៖ កម្លាំងនគរបាលបានតាមស្រាវជ្រាវឃាត់ខ្លួនជនម្នាក់ដែលប្រហើនហានជក់គ្រឿងញៀនថតវីដេអូឃ្លីបបង្ហាញពីសកម្មភាពរបស់ខ្លួនកំពុងប្រើប្រាស់ថ្នាំញៀនហើយបង្ហោះក្នុងអាខោនហ្វេសប៊ុកឈ្មោះ Pa Sethyka បង្អូតគេឯងបានមួយថ្ងៃ ក៏ត្រូវកម្លាំងស្នងការខេត្តធ្វើការ ឃាត់ខ្លួនបាននៅនឹងផ្ទះរបស់ជននេះ ស្ថិតនៅភូមិចំការសំរោង១ សង្កាត់ចំការសំរោង ក្រុងបាត់ដំបងកាលពីម៉ោងជាង១១ថ្ងៃត្រង់ ថ្ងៃទី២៣ ខែកក្កដាឆ្នាំ២០១៧ ។
លោកប្រធានក្រុមបង្ក្រាបនៃស្នងការដ្ឋានខេត្តបានឲ្យដឹងថាជនសង្ស័យឈ្មោះសុខហៅតឿអាយុ២៥ឆ្នាំរស់នៅភូមិ-ឃុំខាងលើ។ជននេះបានបង្ហោះវីដេអូតាមបណ្ដាញសង្គមរបស់ខ្លួនដែលបង្ហាញពីសកម្មភាពប្រើប្រាសថ្នាំញៀន។ក្រោយពីឃើញឃ្លីបវីដេអូដ៏ព្រហើនរបស់ជននេះបានមួយថ្ងៃទើបលោកស្នងការខេត្តបញ្ជាឲ្យកម្លាំងធ្វើការស្រាវជ្រាវលើអាខោននោះ រហូតតំណត់អត្តសញ្ញាណនិងទីតាំងបាន ក៏ឈានដល់ការឃាត់ខ្លួនជននេះតែម្ដង៕
