ម៉ាស៊ីនចាក់សាំងខ្លួនឯងមានវត្តមាននៅខ្មែរ
សារព័ត៌មាន Cambodia News/
ស្វាយរៀង (១៩ កក្កដា ២០១៧) ៖ ប្រមាណជា ១០ ម៉ោងមុននេះ មានគណនី Facebook មួយឈ្មោះ sieng rambo បានបង្ហោះវីដេអូខ្លីចំនួនពីរវត្តមានរបស់ម៉ាស៊ីនចាក់ប្រេងឥន្ធនៈ ដែលអ្នកទាំងអស់គ្នា អាចយកលុយត្រឹមតែ ១ ០០០ រៀលទៅចាក់ក៏បាន។
តាមការណែនាំខាងក្រោមបង្ហាញ បានឲ្យដឹងថា ម៉ាស៊ីននេះដំណើរការដោយស៊កលុយចូល និងកំណត់ចំនួនសាំងដោយអ្នកដំណើរខ្លួនឯង មិនបាច់មានមនុស្សចាំចាក់ហើយគិតលុយដូចការ៉ាស់សាំងទូទៅ។
ម៉ាស៊ីននេះអាចចាក់បានទាំង សាំង (ធម្មតា ឬ ស៊ុបព័រ) និង ម៉ាស៊ូត ដែលអ្នកទាំងអស់មានលុយត្រឹមតែ ១០០០ រៀលក៏ម៉ាស៊ីននេះដំណើរការដែរ ហើយ ទូចាក់សាំងនេះទទួលទាំងលុយ ខ្មែរ និង លុយដុល្លារ ។ ម៉ាស៊ីនចាក់សាំងស្វ័យប្រវត្តិ មានទីតាំងនៅក្នុងភូមិតារាងបាល់ សង្កាត់គយត្របែក ក្រុង និងខេត្តស្វាយរៀង៕
