គិតមិនដល់ នាំប្រពន្ធកូនទៅរងគ្រោះជាមួយ
សារព័ត៌មាន Cambodia News/
ភ្នំពេញ (២៩ មិថុនា ២០១៧) ៖ មានហេតុការណ៍ចោរឆក់ខ្សែក នៅលើផ្លូវចំការដូង ឬផ្លូវលេខ២១៧ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ កាលពីម៉ោងជាង ៩ យប់ថ្ងៃទី២៨ ខែមិថុនា ឆ្នាំ២០១៧ ជនរងគ្រោះ ជាប្តីប្រពន្ធ និងកូនអាយុជាង ១ខួប ជិះម៉ូតូម៉ាក PCX ពាក់ស្លាកលេខ ភ្នំពេញ 1DC-5728។
រីឯចោរឆក់ ជាបុរសម្នាក់ ជិះម៉ូតូ ហុងដាឌ្រីម សេ ១២៥ ពណ៌ខ្មៅ បានឆក់កាបូប ឬក៏ខ្សែក មិនដឹង ដោយសារតែសាក្សីប្រាប់មិនច្បាស់។ តែគេលឺប្តីប្រពន្ធនោះ “ស្រែកថា ជួយចាប់ចោរៗ ចោរឆក់ៗ”។
បុរសជាប្តីនោះ បានជិះម៉ូតូយ៉ាងលឿន ព្យាយាមដេញតាមចោរឆក់ ហើយក៏បុកគូទឡាន ១គ្រឿង ដែលបើកស្របទិសគ្នា បណ្តាលឲ្យមនុស្ស និងម៉ូតូ ដួលផ្លោង ហើយប្រពន្ធ បានបោកក្បាលនឹងថ្នល់ស្លាប់ភ្លាមៗនៅកន្លែងកើតហេតុ។ រីឯប្តី បានស្លាប់ ពេលបញ្ជូនទៅមន្ទីរពេទ្យ ខណៈដែលកូនប្រុសអាយុជាង ១ឆ្នាំ រងរបួសធ្ងន់៕
