បំផ្ទុះគ្រាប់បែកក្នុងមន្ទីរពេទ្យគឺដើម្បីសងសឹកយោធាថៃដែលធ្វើរដ្ឋប្រហារ
សារព័ត៌មាន Cambodia News/
ថៃ (២១ មិថុនា ២០១៧) ៖ បុរសថៃម្នាក់បានសារភាពជាសាធារណៈកាលពីថ្ងៃអង្គារ ទី២០ មិថុនាថាបានបង្កៃគ្រាប់បែកនៅក្នុងមន្ទីរពេទ្យរបស់យោធា កាលពីខែមុន ដោយនិយាយថា គាត់ត្រូវបានជំរុញទឹកចិត្តដោយការស្អប់ខ្ពើមយោធា និង ការធ្វើរដ្ឋប្រហារញឹកញាប់របស់ពួកគេ។
ការផ្ទុះនោះបានកើតឡើងនៅថ្ងៃខួបទី៣នៃរដ្ឋប្រហារថ្ងៃ ២២ ឧសភារបស់រដ្ឋាភិបាលយោធាថៃ និង វាយប្រហារបន្ទប់រង់ចាំ VIP នៅខាងក្នុងមន្ទីរពេទ្យកាន់កាប់ដោយយោធាក្នុងក្រុងបាងកក ដោយបង្ករបួស ២១ នាក់។
នាយករដ្ឋមន្ត្រីប្រាយុទ្ធ ចាន់អូចា ពីដំបូង បាននិយាយសម្រាលពីពេលវេលាគាប់ជួនគ្នានៃការបំផ្ទុះគ្រាប់បែកនេះ បន្ទាប់ពីលើកឡើងថា វាអាចរៀបចំឡើយដោយមនុស្សដែលខឹងនឹងការដឹកនាំរបស់គាត់៕
