សេវាកម្មប៉ះអ៊ុតជួសជុល កង់ម៉ូតូលើស្ពាន (មានវីដេអូ)
សារព័ត៌មាន Cambodia News/
ភ្នំពេញ (០៨ មិថុនា ២០១៧) ៖ បុរម្នាក់ហាក់ដូចខ្វះកន្លែង បានទៅប្រករបរប៉ះកង់ម៉ូតូ ធ្វើឲ្យអ្នកដំណើរឆ្លងកាត់មានការភ្ញាក់ផ្អើល និងរាយការណ៍ទៅសមត្ថកិច្ចមកចុះត្រួតពិនិត្យ និងធ្វើកិច្ចសន្យាបញ្ឈប់សកម្មភាពប្រកបរបរនេះនៅលើស្ពានត្សឺបាស្សា (អ្នកលឿង) តទៅទៀត ។
ពាក់ព័ន្ធករណីនេះផងដែរ លោក អ៊ាវ ចំរើន បានសរសេរបង្ហោះនៅលើផេកហ្វេសប៊ុករបស់លោកថា៖ «ស្រុកលើកដែក៖ ថ្ងៃទី០៧.០៦.២០១៧ នគរបាលសណ្តាប់ធ្នាប់នៃអធិការដ្ឋាននគរបាលស្រុកលើកដែក បានដឹកនាំកម្លាំងចុះអប់រំ និងធ្វើកិច្ចសន្យាមិនឲ្យធ្វើអាជីវកម្មប្រកបរបរលើស្ពាន ដល់បុរសម្នាក់ជាជាងប៉ះកង់ម៉ូតូម្នាក់ ដែលបានធ្វើអាជីវកម្មនៅលើស្ពានត្សឺបាស្សា (អ្នកលឿង) មិនតែប៉ុណ្ណោះបុរសនេះថែមទាំងបានបាញ់ថ្នាំលេខទូរស័ព្ទលើបង្កាន់ដៃស្ពានផងដែរដែលធ្វើឲ្យបាត់បង់សោភ័ណ្ឌភាពស្ពាន។» ៕
