កម្ពុជារងឥទ្ធិពលជ្រលងសម្ពោធទាប បង្កឲ្យមានភ្លៀងធ្លាក់ច្រើន និងខ្យល់បោកបក់ខ្លាំង សូមប្រុងប្រយ័ត្ន

សារព័ត៌មាន​ Cambodia News/

ភ្នំពេញ (២៣ ឧសភា ២០១៧) ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីការព្យាករណ៍អាកាសធាតុប្រចាំសប្តាហ៍ ដោយបញ្ជាក់ថា ក្នុងសប្តាហ៍នេះ ប្រទេសកម្ពុជា បាន និងកំពុងរងនូវឥទ្ធិពលជ្រលងសម្ពាធទាប ដែលបណ្តារាជធានី-ខេត្តមួយចំនួន មានភ្លៀងធ្លាក់ច្រើន ពិសេសចាប់ពីថ្ងៃទី ២៥-២៧ ខែឧសភា ឆ្នាំ ២០១៧ ។

ក្រសួងបានឲ្យដឹងទៀតថា នៅលើផ្ទៃសមុទ្រ និងតំបន់ឆ្នេរ ផ្ទៃមេឃមានសភាពអាប់អួ មានភ្លៀង និងខ្យល់បោកបក់ខ្លាំង ព្រមទាំងមានរលកសមុទ្រខ្ពស់ៗ ដូចនេះ សូមបងប្អូនប្រជានេសាទ និងអ្នកធ្វើដំណើរតាមសមុទ្រ បង្កើនការប្រុងប្រយ័ត្នខ្ពស់បំផុត ៕